I Kanga n Ataia
Te Boki Anne E Ana Nanou
I miitaraa ana Boki Moomon ao n iangoa te rongorongo are a reireinai mitinare.
N te bong teuana ao I botaki ma raraou ni kukurei. N ana auti raraou, ti maroro, mooi manging ao ni moko. Ma temanna raraou, Patrick, e aki raoniira. I a ataia bwa Patrick e tuai man kabonganai bwaai aikai mai ibuakora; I uringnga bwa ngaia kain te Moomon.
Ngke ea bakanako te tai; a bane ni maenako te koraki ao tia tiku ngai ao Patrick. Tia tiku inanon te kaa. I teimatoa naba ni mimi bwa bukin tera ngkai e aki raoniira Patrick, Ia ururing rikaki nakon te bong aua te ririki n nako, ngke 16 ara ririki. I uringnga ngke ti nakonako n te kawai irarikin te reirei ngke I tungnga bwa I kan riki bwa te ibonga n te taina.
“N ara Ekaretia ko nang bon bae n riki bwa te ibonga,” e kaeka Patrick. “Ko tangiria bwa kona kamatoaki. Ngkana e koro 19, koa kona n tataekina te euangkerio n aron te mitinare.”
“E rangi ni kamanga anne,” I kaeka, n au iango ao I taku bwa e aki ata taekan te euangkerio. “E na kanga 19 te ririki ni kabwarabwara nakoia aomata? Taama a tangira te tai ae mwaiti ni kamatebwai bwa ana kona ni kabwarabwara.
Patrick e imanono bwa 19 te ririki n ana ekaretia e kona ni kabwarabwara. E tuangai bwa ana ekaretia iai naba irouna ana boki n te boki aika tabu, ao e a anganai teuana te katooto. I raibaeia ngke I roko ni mweengau, ao I namakina te bwai ae kamimi n te boki aei. Ma I aki rangi n tabe iai, Ia katikua naba inanon te bwaoki, are ea wene iai inanon te maan ae aua te ririki.
Ngkai tia buti inanon te kaa imwiin te bootaki, Ia titirakina Patrick bwa ena nakea. “Nna kaitibo ma tabeman raraou. Bon taian mitinare.” I uringnga Ia tia ni kaitibo ma ngaiia. I tuanga Patrick ngkana e kona ni kairai nakoia mitinare bwa I aonga n titirakiniia ibukin aia ekaretia.
Tia kaitibo ma mitinare n te titoa irarikin aia tabo, ao a kamaurai n taua baiu. E bon rangi karaoaki raoi Ma imwiin kaotan araia nakoiu, I ataia bwa a tara n titebo ma mwane ake tabeman. A tangiria ni karekea aia tai ni kaekai au titiraki.
“Ngaia Ia karekea ami nambwa bwa ngkana I tauraoi ao Ia kanakoa au rongorongo n te tarebon nakoimi, I kaeka. I aki rangi ni iangoia bwa nna karaoa anne.
Ngke I roko ni mweengau, I ana te boki are e anganai ngkoa Patrick 4 te ririki imwain te bwai are e kamimiia nanou. Te bong are imwiina I kanakoa au rongorongo n te tarebon nakoia mitinare bwa ana reireinai. E aera aomata a kan kaoka te bwai ae a bon ataia n roro ni kawai a kaokoro ma roro aikai?”
Imwiin uoua te maroro I angoia bwa nnaki manga aki iriia. Ngkana a titiraki ibukin tera, I kaeka “I aki nano iai.” E nako teuana te wiiki, I tekateka n miitara ana Boki Moomon, n iangoa te rongorongo are I a tia n reireinaki. Ia waaki ni wareware n te bwai are a tuangai mitinare 3 Nibwaai 11. I wareka rongorongon Iesu ngke e nakon te aba teuana nikaotia bwa Ngaia te Tia Kamaiu ao te Meetia. N 3 Nibwaai 15, I kinaa teuana te kibu are Ia tia ni warekia n te Baibara, n Ioane 10:16. Bon te bwai teuana ae a tuai n reireinai iai mitinare.
A bwaka rannimata mai matau; ao I kunea bwa ai bon tii ngai n tang inanon au ruu. Ia tibwa ata ana tangira Iesu Kristo ibukira. E rangi n tangiriia nikabane n te aro are E anga Maiuna bwa ena kamaiura man ara bure. I aki tabwara n tataro,ni bubuti bwa e koaua ana Booki Momon are I tautaua. I tataro n a ruu ni bon tii ngai. I karina n namakina temanna ikekei ae kakauongo nakoiu.
E marau nanou n te namakin are I karekea. I teirake man taku, “Bon aio te Ekaretia ni koaua. I ataia bwa bon aio te Ekaretia are e kaokia Iesu Kristo.”
Tebongina imwain au bwabetito, I kaokioka au tataro. Manga ngaia naba te kaeka are I namakinna inanou, ao I ataia bwa te Tamnei ae Raoiroi ea tia ni kaota te koaua nakoiu. I ata te koaua ae Iesu bon te Kristo. I namakinna inanou ao n au iango bwa I tangiria ni bwabetitoaki, ni kakoaua bwa ana Mwakuri ni Kamaiu Iesu Kristo I kona ni kaitiakaki.
Iesu Kristo e karaoa te mwakuri ni kamaiu ibukin ara bure, ao bon aio bukin are Ia rairaki iai. I ataia bwa bon tii ngaia ae iai irouna te korakora ao te mwaaka ao te kariaia ibukin manga katean Ana Ekaretia n roroo aikai. N te tai aei ngai ae te mitinare I karaoa au mwakuri i Philippines Cagayan de Oro Mition, I karaoa te kabanea n tamaroa ni buokiia aomata bwa ana namakina te kukurei are e mena irou ngkai.
Kamatataki n te korobanna iroun Paul Mann
Ti kaitibo ma mitinare, ao a tangiria n kan karekea ara tai ibukin kaekaan au titiraki.