Katauraoi nakon te Nakoanibonga
Tebwi ma teuana ana ririki Hansen Prabhudas mai Bangalore te kauoua ni mwanga, Bangalore India District, e rangi ni ingainga. Imwiin te taromauri te teinimwane ae ikai riki n te mwaanga ena reireinna ni katauraoi, kakabwaia ao ni bwaatina rabwatan te Uea.
Te Moan, ataeinimwane ake taan reirei in te Nakoanibonga n te Aaron e kaota Hansen aron katauraoan te ture ni kariki ao ni kanoaia n te mwangko n ran.
Are imwiina, te ibonga e wareka te tataroro n toa ao e kakabwarabwa aroia n rukuma rabunan te taibora.
Te kabane, te riikan e kaota aia tabo n tei, aroia ni bwatina te toa nakoia taan taromauri ao ni ibuobuoki nakoia n tatabeman ni kaota te karinerine ae riai.
“Te Nakoanibonga ae te Aaron e bon rangi ni kakawaki,” E taku Hansen. “E mwaiti te bwai ae nna karaoia ni katauraoi imwain ae nna butimwaia.”
Irarikin reiakinan taekan te toa, Hansen e warekii booki aika tabu ao ni kataia ni kawakin tuua ao n ongotaeka nakoia ana karo. Teuaei e reireinna taekan te Ekaretia n te Buraimarii ao ni katei banna ni katoto nakon mwanena ae ruaiwa ana ririki, Gideon.
Kakabwaia n te Nakoanibonga
Hansen e mwaiti reireiana taekan te nakoanibonga mai iroun taman, are e taua te Nakoanibonga ae te Meritereka ao n mwakuri n te beretitentii n aia koorum unimwane. “E bwabetitoai Tamau ao imwiina, Gideon,” e taku Hansen. “Ngke e aoraki Tinau, tamau e buokia n anganna te kakabwaia n te nakoanibonga bwa tinau ena kona ni marurung.
Kabebetean te Uota
Tamana e buoka naba tinan Hansen n te bobwai ao te kuuka. “Teuaei e karaoi bwaai ni kabane are e kona ni buokiira,” e taku Hansen. Ao ni kauoman aia karo a buokiia aomata aika a bati, riki n te Ekaretia.
Tinan Hansen e tatabetabe n nakoana ae te beretitenti n te Buraimarii n aia mwaanga. Hansen e kabebetea uotana bwa e nako ni kabooi uanikai ao ni kaitiakii bwain amwarake.
“I tangiriia au karo,” e taku Hansen. “Ti kakaraoa ara kai n utu ni katoa wiiki, ti warekii booki aika a tabu ao ti bootaki n tataro n utu.”
Teimatoa n Mwakuri ni Ibuobuoki
Ngke ea koro tebwi ma teuana am ririki, ea mwaiti te katauraoi ae kona karaoia. “I riai n reireinai ni kaaniia riki au kakauongo nakon te Tamnei ae Raoiroi, e taku Hansen. “Teuaei ena kairai n au tai ni kamatebwaia te eungkerio inanon au koorum n te nakonibonga, irouia Ataeinimwane, ao imwiina n te tieminari. Ni kabane bwaai aikai ana buokai ni katauraoai bwa nna riki bwa te mitinare ae bwanin ana tai. Ao I riai n ata aron buokaia kainnano ao n anga te mwakuri ni ibuobuoki,” e taku Hansen. “I riai n teimatoa ni katauraoi mwakuri ni ibuobuoki, ibukina bwa te nakoanibonga nanona buokaia tabeman n aron Iesu Kristo are ena karaoia ngke arona bwa e bon mena ikai.
Ana karaki Hansen ae tatangiria n rongorongon booki aika a tabu bon karakin Noah. “I tangira aroia maan n ongotaeka nakon teuaei ngke ea boo te tai n rin inanon te aake.” Teuaei e ataia bwa Noah e mwaiti te bwai ae na katauraoia imwain taai aika ana roko, n aron Hansen ae e mwaiti ae ena katauraoia nakon te nakonanibonga.
Ana Takakaro ae Tatangiria Hansen
Takakaro: Ana takakaro Hansen ae tatangiria bon te badminton, ma teuaei e unga n te kirikiti, butibooro, ke bon te kabo birimwaaka ma tarina ao raraoia ake a maeka n te turiiti mai inano. “Ngkana ko takakaro n te badminton, kirikiti, ke te butibooro, e rangi ni kakawaki bwa kona takakaro n am tiim,” e taku Hansen. “Ai aron naba te nakoanibonga, ibukina bwa te koorum n te nakoanibonga kona riai ni mwakuri n te tiim.”
Kaikawakiia ika: E kabungi man kaikawai ika Hansen inanon te bwaketi man kawakin ibukin aia auti. Imwiina ao e a manga kamwaingi nakon n nen te ika ae te kiraati. “I tangiri karaia aika mwaiti man tikiraoi ao aroia ika n takakaro imarenaia,” e taku.
Anene: “Love Is Spoken Here” (Children’s Songbook, 190–91) kunan Hansen ae tatangiria n anenen te Buraimarii. Teuaei ao Gideon a tatangiria n anenei kunan Iesu, riki taian anene. “Te anene e buokiira ni kawakina te tangira inanon ara utu,” e taku Hansen.
E mena n Aonnaba raa Bangalore, India?
InDia
Bangalore
Tamnei iroun Richard M. Romney; mwabe iroun Mountain High Maps, © 1993, Digital Wisdom, Inc.
Hansen e reireinna katean te banna ni katoto n taabo aika a mwaiti: ma te Nakoanibonga n te Aaron are e taua n ana mwaanga, n tain te kai n utu n te tairiki, n takakaro n te butibooro, ao ni katauraoan te amwarake ma tarina ae Gideon.