Ara Tabo

Iaon te Web: Ibuobuoki rinea te kabanea n tamaroa ni boutita ae e na kabonganaaki n te namwakaina ae e na roko. Nakon te liahona.lds.org n rinerine. Ao ngkai ko mena ikanne, ko kona n anga am iango iaon koroboki ke iango ibukin boutita n taai aika imwaira.

Te Koroboki ae Tabu ae Mamaten Nanou

“Ngkana kam kawarai ao ena reke iroumi te maiu are akea tokina Nooria, e aroraki baiu ae naoanga nakoimi, ao ane e roko nakoiu ao N na butimwaia, ao a na kakabwaiaki akana a na roko nakoiu (3 Nibwaai 9:14).

Aio teuana mai ibuakon mamaten nanou ibukina bwa te koroboki ae tabu aei e anganai au koaua bwa Iesu e maiu ao e tangiriira bwa tina Rimwiina.

Olivia K., 15 ana ririki, Heves, Hungary

Ngaira Mitinare n te Tai aei

Te rongorongo ni Maati 2007 Liahona “Tina kanga ni Katauraoi n riki bwa Mitinare aika a raraoi” kanakoi nakoira rongorongo aika a kakawaki. Tia aki tangiria n tataninga ara ririki 19 bwa tina riki bwa mitinare. Tiaki! Ngaira mitinare n te tai aei.

E tuangiira bwa tina kakae ao n iangoi koroboki aika a tabu ao n tataro n tainako bwa ti aonga ni kona ni kaitara Tatan. Ti riai n tainako n onimakina ara Tia Kamaiu Iesu Kristo.

Melissa N., 18, Samoa

A Raraoi ni Bane

I uringa raoi te tairiki are I namakinna inanou te kauntaba n te aro n tamnei. Iaon kawaiu ni kaea te reirei n te Intitiute ngke Ia namakina te kammarakaki. Au iango ea minotaki. I aki kona n taekina ae I ata koauan au onimaki. I aki kona n namakina te koaua ni bwaai nako. Ia namakina te bwaran nano ao te maama ibon irou ao n tataro ibukin te korakora.

Ngke Ia roko n te autinibootaki, Ia bon taonaki n te nanokaawaki, I karina te ang ae boou ao n rinnako inanon te kateitei. N te tai are ia kaitara te umwantabu, I ongo te anene n taromauri “Come, Come, Ye Saints” (Anene n Taromauri, nambwa 30) ae aneneaki irouia tarira ao mwaanera. I waekoa n anganaki te kabebeteaki n nano are e roko mai iroun te Atua rinanon te Tamnei ae Raoiroi.

E bon rangin ni korakora namakinan te rau n te aro are I aki kona n taua ranin matau. E a tia te Uea ni kaotia nakoiu bwa a bon nakoraoi bwai ni kabane ao I bon kawakinaki raoi. I namakina mwaakan te roo bwa e kataia n urui bwaai aika a raraoi. I a tia n reireinaki bwa ana tangira te Atua e kamanoaki raoi ao e aabue. I oota raoi bwa te Atua bon iai ao te tia kamaiuira ao ni kakorakoraira. I reiakinna naba bwa ngkana ti tokanikai man te kanganga ao te kaririaki ngkana ti kaota ara onimaki iroun te Atua ao ni kakai Ana kairiri n tainako n ara tataro.

Te aonaaba aei e onrake n te kataaki, ao ti aki kona n ataia bwa tera ae e na roko. Ti kainnanoia bwa tina kabanea ara onimaki iroun te Atua, ni karikirakea ara onimaki rinanon kamatebwaian koroboki aika a tabu, ao ni maiuakina te maiu are E kantaningaia.

Ivonete S., 19, Bahia, Brazil

“Bwa kona kaura au taura te nenea: te Uea ae Atuau e na kaota te roo inanou.” Taian Areru 18:28.

Aio Am Tabo

Aikai aia iteraniba ataei—am tabo are kona tibwauaia ma roron rikirake ake tabeua tera ae e nanonaki iroun n te Euangkerio. Aio te bwai ae kona ingainga ni kan warekia mai iaon iteranibwa aikai. ao tera ae kokona n tibwauaia.

• Te bwai ae koa tia n rinanona ke am ataibwai are e buokiko ni kaotako ao ni maiuakina te euangkerio ae nakoraoi riki.

• Te tamnei ae rangi n oota raoi are ko raweia ao koroboki aika a tabu ao kabwarabwaraana.

• Te bwai ae ko rinanona ae rangi n tamaroa inanon am tai ni karaoa te mwakuri nakon te Atua ke bon Oin Rikirakem.

• Am taeka tabeua ibukin te koroboki ae tabu ae kaunganano nakoim. Karina tamneim ngkana ko tangiria.

• Te kaotinano iaon te Riahona: Tera te rongorongo ae ko tatangiria ni warekia?

Imeeri am karaki, tamnei, am kaotinano nakon [e-mail]. Taiaoka korea “Ara Tabo” n te rain are atuun te karaki, ao karina aia kariaia am karo (kaotaki n te imeeri) n tibwaua are ko kanakomaia nakoira. Karirinrin a kona n etetanaki ibukin abwakiia ke ni kabwarabwaraki raoi.

Atai: kamataata n te Tamnei iroun Craig Dimond