Ibukiia Ataei Aika Uarereke

Riki n ai aroia Mitinare

Te rongorongo are a uouotia mitinare n tibwaua ma aomata ibukin ana babaire Tamara arei Karawa ibukira bon ti te arona n tai nako. Enoka are te burabeti imwain bungiakin Iesu iaon te aonnaba. Te Uea e tuanga bwa e na tibwauaa te euangkerio ae a karaoia mitinare ni bong aikai. Karana tamnein Enoka. Ngkanne korea tamnein aia kunnikai mitinare iaon Tanner ni kaota iai aron taraia mitinare ni bong aikai.

Te buoka ibukia Kaaro: Kabwarabwara Enoka ngke e tuangaki bwa e na tibwaua taekan te euangkerio. E aki iangoia ae kona bwa ibukina e taku bwa e aki tau ae ataia. Te Uea e tuanga Enoka are kona ni karaoi bwai ni kabane man ana ibuobuoki te Uea. Ibukina bwa e ongotaeka Enoka, te Uea e kakabwaia ngaia bwa e aoria ni kona n reireinia aomata. (Tara Mote 6:31–38.) Titirakinia natim tera ae a kona ni karaoia ngkai n riki bwa mitinare aika tikiraoi n aron Enoka.

Te buoka ibukia Kaaro: E ngae ngke e tuai Tanner ni weteaki ni karaoa te makuri n te aro ae bwanin, e bon kona naba ni karaoa te makuri ni mitinare ngkai e uarerekeke. Buokia natimi ni korea mitinare aika boou n ana kunnikai Tanner. Titirakinia bwa tera ae a kona ni karaoia ngkai ni katauraoia ni karaoa te makuri ni mitinare ae bwanin. Maroroakini bwai aika kona ni karaoaki n aron te tataro, warekan koroboki aika tabu ao buokaia tabemang.