Tera Ae Ti Kakoaua

Te Atua Bon Tamara Ni Koaua

Te Atua bon Tamara are i Karawa, Tamaia tamneira. N te Atu n Atua ma Ngaia bon Iesu Kristo ao te Tamnei ae Raoiroi. Bon aomata aika a kakaokoro ma tabeia naba aika kaokoro ma ti teuana n aia kantaninga. Te koaua aei, n raonaki ma aika mwaiti riki, a bua imwiin maten Iesu Kristo ao Ana Abotoro, n te tai ae ataaki bwa Kitanan te koaua.

E moanna ni kaoki koaua ake a bua te Uea n tain te tiburing n te 1820, ngke te ataeinimwaane ae 14-ana ririki-ni maiu Iotebwa Timiti e tataro n te buakonikai irarikin mweengana i Manchester Township, New York, ni kan ataia bwa tera te aro ae na kainna. Ni kaekaan ana tataro, ao e noora te Atua te Tama ao Iesu Kristo. Te Burabeti Iotebwa Timiti imwiina e korea taekan te kaotioti, bwa temanna e wetea Iotebwa n arana, man kotea are temanna—Aio Natiu Ae Tangiraki, ao e riai Iotebwa n ongo irouna (tara Joseph Smith—History 1:17).

N Beberuare 16, 1832, a karekea te kaotioti te Burabeti ao Sidney Rigdon. Ibukin kabwarabwaraan te kaotioti, anga aia koaua iroun Iesu Kristo ao te Atua te Tama: “Ao ngkai imwiin taian kakoaua aika a tia ni karekeaki ibukin [Iesu Kristo], a kakoauaa, ni kabaneana, bwa E maiu. Bwa a Nooria n angatain raoi te Atua ao a ongo te bwana ae riki bwa te kakoaua bwa boni ngaia ana Rikitemanna te Tama—(tara D&C 76:22–23).

Reirei Ake A Kakoaua te Atua te Tama:

1. Ti karikaki N aron katotongan te Atua (tara Moses 2:26).

2. Te Atua bon te Tia Karikibwai ae Moan te Rietaata, ao “bwaai ni kabane a kaotia bwa iai te Atua ” (Aramwa 30:44).

3. Te Atua bon Tamara i Karawa, te karo n tamnei ni koaua (tara Ebera 12:9).¹

4. Te Atua te Tama iai rabwatana ni koaua ae te iriko ao te ri (tara D&C 130:22).

5. E anganiira te baire ibukin te kamaiuaki Tamara are i Karawa (tara Aramwa 34:9).

Kawai aika ti kona iai n ata Tamara are i Karawa:

1. Kakukurei ngkami n ana taeka Kristo (tara 2 Nibwaai 32:3).

2. Nakomai ata Iesu Kristo (tara Ioane 14:9).

3. Ongeaba nakon ana tua te Atua ao ira te Burabeti (tara Ioane 14:21; D&C 1:38).

4. Tataro nakon te Atua, ma te onimaki n aran Iesu Kristo (tara Iakobo 1:5; 3 Nibwaai 18:20).

N reirei riki taekan ara koaua, nakon Mormon.org (tauraoi n taetae aika mwaiti, koreaki inano ni baan te Web).

Bwaai aika a na taraaki

1. Tara Teachings of the Presidents of the Church: Joseph Smith (2007), 39.

Karekea am tai n tararake n taraa karawa, ike ko kona iai n noori itoi ao buraneti are a kaota iai mwaingin te Atua n ueana ao ni mwaakana (tara D&C 88:41–47).

“Kakoaua te Atua; kakoaua taekana, ma bwaai ni kabane ake e a tia ni kariki, i karawa ao i aonaaba; kakoaua bwa iai irouna te wanawana ae bwanin, ma te mwaaka ni kabane, i karawa ao i aonaaba” (Motiaea 4:9).

Maing: tamnein te buraneti man ana mwamwannano te NASA/JPL; tamnein itoi iroun © nasa and stci; kamataata n te tamnei iroun Robert T. Barrett; kamataata n te tamnei iroun Wei-Hsiang Wang; atai: kamatataan Tamara are i Karawa ma natina n te tamnei iroun Paul Mann; kamataata man te Moan Kaotioti, iroun Del Parson; kamataata n tamnein te utu irouni Welden C. Andersen; kamataata n tamnein te mwaane iroun Welden C. Andersen; tamnein Beretitenti Monson iroun Craig dimond; kamataata n tamnein te aine iroun Ruth Sipus