Hongo Kongo

Naʻe fakatapui ʻa Siaina ki hono malangaʻi ʻo e ongoongoleleí he ʻaho 9 ʻo Sānuali 1921, ʻi Peisingi ʻe ʻEletā Tēvita O. Makei (1873–1970) ʻo e Kōlomu ʻo e Kau ʻAposetolo ʻo e Toko Hongofulu Mā Uá. Ka ko e ngāue fakafaifekaú naʻe fakangatangata pē ia ki he kolo ko Hongo Kongó. ʻI he 1949 naʻe fakaava ai ʻe ʻEletā Mātiu Kauli (1897–1953) ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e misioná ʻaki ha lotu he Moʻunga Vikatōliá (Victoria Peak)—ko e tumuʻaki moʻunga māʻolunga taha ia ʻoku hanga hifo ki he koló.

Naʻe kakato hono liliu ʻo e Tohi ʻa Molomoná ʻi he 1965, hoko ai mo e Tokāteline mo e Ngaahi Fuakavá ʻi he 1974. Ko e Temipale Hongo Kongo Siainá ko e fuofua temipale ia he māmaní naʻe langa ke hoko ko ha fale ʻe fakaʻaongaʻi ki ha ngaahi meʻa kehekehe. ʻOku ʻi he falé ha falelotu, ngaahi ʻōfisi ʻo e misioná, pea mo e ʻapi ʻo e palesiteni temipalé.

Ko e taimi naʻe fakafoki ai ʻa Hongo Kongo mei hono puleʻi ʻe Pilitāniá ke puleʻi pē ʻe Siaina he 1997, ne ui leva ʻa e Misiona Hongo Kongó ko e Misiona Siaina Hongo Kongó.

ʻI he Lau Fiká

Kāingalotu ʻi Hongo Kongó	22,939
Ngaahi misioná	1
Ngaahi Siteikí	4
Ngaahi Vahefonuá	1
Ngaahi Uōtí mo e Ngaahi Koló	32
Ngaahi temipalé	1

Naʻe hanga ʻe he ʻAposetolo ko Mātiu Kauli ʻo fakaava ʻa e Misiona Hongo Kongó ʻi he 1949.

Ko e Temipale Hongo Kongo Siainá.