Teuana te Mwakuri n Nanoanga
E aki kona n ataia temanna bwa tera ae kona ni karekea tenanoanga ae uarereke. Tianuare teuana, ngke e beku i Akure n te Nigeria Lagos Mition, Iai au bwaintangira ae uarereke ae I tangiria n angan temanna, I kakaea bwa, “Antai ae n na anganna bwa e na buokaki iai?” I uota te bwaintangira nakon te umwantabu uoua te Taabati, ma e bon tuai reke naba bwa antai ae n na anganna.
N te katenua n Tabati, I nako n taromauri ao e a tia au iango bwa n na angan raoraou ae moan te raoiroi. E aki roko n te taromauri n te bong anne, ma e roko te namakin bwa iai riki temanna ae kainnanoia. I tarataranako n te umwantabu, ao I noora te ataeinimwaane ae uarereke ae tiaki kaain te Ekaretia ana karo. E tara n rangin ni maroaa. E reke irou te namakin ae korakora bwa n na anganna te bwaintangira. I anganna, man namakina te kukurei ae korakora inanou.
Iai te bwai ae kamimi ae a tia n riki. E roko tinana n te taromauri n te Taabati are imwiina. E karabwaai ibukin te bwaintangira. E taku, “I a tia ni berita nakon natiu te mwaane bwa n te taina ao n na roko n te taromauri. N te bong aei ao I a roko bwa n na kaota au kakaitau ibukin te bwaintangira.” Anne aron kaitiboakira ngai ma au companion ma te aine anne; man te tai anne ao e a kaina te Ekaretia. E korakora kukurein te ataeinimwaane arei n nooria bwa e a bwabetitoaki tinana.
I kakoaua bwa a riki bwaai aika korakora man bwaai aika a uarereke.