Sefuluai O Le Filifiliga e Sili Ona Lelei

Saunia e Elder Sheldon F. Child

Na avea o se tasi o Fitugafulu mai le 1996 i le 2008

Mai se lauga i le konafesi aoao na tuuina mai ia Aperila 2008

1. A o ou laitiiti, sa aumaia e se tuaoi ia te a’u se tamai povi faatoa fanau mai.

2. O le tausiga o se tamai povi o se galuega faigata. Sa ou tausia ma fafaga ia te ia.

3. O le aso na faatau atu ai e Tamā le tamai povi o se aso na le mautonu ai o’u lagona. O le a ou misia lava le tamai povi, ae sa ou taula’i atu i le tauia mo la’u galuega faigata.

4. Ina ua foi mai Tamā i le fale, sa ia tuu mai i lo’u lima le 20 talā siliva. Sa pei ua ia te a’u tupe uma o le lalolagi.

5. Sa ou faitauina, polesi, ma matamata ma le fiafia i tupe siliva taitasi.

6. O le Aso Sa sa ou tuuina ai ni talā siliva se lua i la’u taga ae ou te lei alu i le lotu e totogi ai la’u sefuluai.

7. Sa faigata ia te a’u ona tuu atu la’u sefuluai i le epikopo, ae na lelei lo’u lagona e usiusitai i le Alii.

8. Sa fai mai lo’u tina ua mitamita ia te a’u. Sa fai mai o ia o le a faamanuiaina a’u mo le totogiina o la’u sefuluai ma o le teugatupe sili lava lea o le a ou faia.

Fesoasoani mo Matua

E faamanuiaina i tatou pe a tatou totogi le sefuluai (tagai i le 3 Nifae 24:10–12). E mafai ona e faaaoga ia gaoioiga o lenei vaega e fesoasoani e aoao atu ai le sefuluai.

• E mafai ona e faamatalaina le tala ia Elder Child po o sa oe lava aafiaga e aoao atu ai o tatou lagona pe a tatou ola i le tulafono a le Alii o le sefuluai.

• E mafai ona e faaaogaina le ata o loo natia i le itulau e sosoo ai po o sa oe lava gaoioiga e fesoasoani e aoao atu ai pe fia le sefuluai e tatau ona totogi.

• E mafai ona e faaaogaina le manatu o le fagu sefuluai o loo i le itulau e sosoo ai po o so oe lava manatu e uunaia ai tamaiti e amata nei loa ona totogi le sefuluai.

• E mafai ona e faaaogaina le auala lavelave o loo i le itulau e 73 e aoao atu ai mea e faaaoga i ai le sefuluai.