O Iesu Keriso O Lo’u Faaola ma le Togiola

Saunia e Sandra Tanner ma Cristina Franco

Faaola ma le Togiola o suafa ma ta’uga o Iesu Keriso. O loo faamatala mai ai galuega na Ia faia mo fanau uma a le Atua.

Ona o le Pau o Atamu ma Eva, o le a oo ai tagata uma i le oti faaletino. A tatou oti, o le a tuueseeseina o tatou agaga ma o tatou tino. Ina ua toetu Iesu Keriso, sa toe tuufaatasia Lona tino ma Lona agaga, e le toe tuueseeseina lava. Ona sa Ia faia lenei mea, o le a toetutu ai i tatou uma lava.

Sa totogi foi e Iesu le tau mo a tatou agasala ina ia mafai ai, pe a tatou salamo, ona faamagaloina i tatou ma mafuta faatasi ma Ia ma le Tama Faalelagi O lenei taulaga ua taua o le Togiola a Iesu Keriso. Ona o Lana taulaga, ua fai ai Iesu ma o tatou Faaola ma le Togiola. O le Togiola o le faaaliga silisili lea ona maoae o le alofa o le Tama Faalelagi mo i tatou. O le faaaliga silisili foi lea o le alofa o le Faaola mo le Tama Faalelagi ma i tatou taitoatasi.

O le mau o le masina lenei o loo aoao mai i le Togiola ma le alofa tele o le Atua mo i tatou. Ia faatumulia lou loto i le alofa ma le agaga faafetai mo le meaalofa silisili ona maoae a le Atua ia i tatou: o Lona Alo, o Iesu Keriso.

Tusi Talafaamaumau o Tusitusiga Paia Fepuari 2010

Faitau le Ioane 3:16 i le Feagaiga Fou

Tatalo e iloa ai e moni lenei mau. Ole atu ia e lagona le alofa o le Atua mo oe.

Tauloto le mau lenei.

Filifili se tasi o nei gaoioiga, pe fai sa oe lava gaoioiga:

O le pese Peraimeri “Na Ia Auina Mai Lona Alo” (Tusipese a Tamaiti, 20–21) o loo aoao mai ai le ala e faaali mai ai e le Tama Faalelagi Lona alofa ia i tatou. Aoao le pese, ma taumafai e fai le mea o loo fai mai ai, e faaali atu ai lou alofa ma lou agaga faafetai mo le Faaola o Iesu Keriso.
Ooti ese ma fau le paso (i le taumatau) o loo ta’u mai ai mea e faia e le Togiola mo i tatou taitoatasi. Faasoa atu lenei gaoioiga i lou aiga.

E faapefea ona fesoasoani le mea ua e faia e te malamalama ai i lenei mau?

Tusi i lau api o talaaga pe tusi se ata e uiga i le mea ua e faia.

E mafai ona tatou faatasi ma le Tama Faalelagi ma Iesu ona o le Togiola a Iesu Keriso.

Lalolagi

Togiola

Tama Faalelagi ma Iesu Keriso

“Aua na faapea lava ona alofa mai o le Atua i le lalolagi, na Ia aumai ai Lona Atalii e toatasi, ina ia le fano se tasi e faatuatua ia te Ia, a ia maua e ia le ola e faavavau” (Ioane 3:16).

Ata na tusia e James Johnson