Faamatalaga
Na Suia Ai Lo’u Olaga
Na ou faitauina le Liahona talu ona avea a’u ma se tagata o le Ekalesia ina ua 14 o’u tausaga. Ua suia moni e le mekasini lo’u lava olaga ma olaga o tagata o lo’u aiga. Na ou auauna atu faamisiona, ma o le taimi lava matou te papatisoina ai ni tagata fou o le ekalesia, ou te lesitalaina ai i latou mo le mekasini aua na ou iloa o le a fesoasoani foi ia i latou e pei ona faia ia te a’u.
Yormys Gonzalez, Venesuela
Ua Ou Aoaoina le Uiga o le Olaga
O le mekasini o le Liahona ua tuuina mai ia te a’u le malamalama, ma o lenei malamalama na fesoasoani ia te a’u i a’u fegalegaleaiga ma isi. E mafai ona ou fesootai atu i tala na ou faitauina, ae maise lava le “Saunia mo se Misiona” (Oke. 2008, U14) ma le “Aua Ne’i Galo o Oe o se Mamona” (Ian. 2009, 44). Ua fesoasoani le mekasini ou te iloa ai le uiga o le olaga; ua tuuina mai ai ia te a’u le malosi.
Hilbert A. Guzman, Filipaina
O Se Agaga o le Filemu
Sa ou faitau i le savali mai ia Peresitene Thomas S. Monson i le Liahona o Tesema 2008, (“O Le Kerisimasi E Sili Lava Le Manaia,” 2), ma sa faatumulia a’u i le agaga o le agalelei ma le filemu. Sa taula’i atu ou mafaufauga ia Keriso ma [ia] ou savali i Ona tulagaaao. Faafetai lava mo le Liahona, mo le aumaia o le tele o le malamalama ma le filemu i o tatou agaga.
Cristiano Robson Prestes, Pasila