Auaunaga i le Ekalesia
O Le a Le Taimi E Auauna Atu Ai?
Mai le “Saunia mo se Faaipoipoga Faalelagi,” Liahona, Fep. 2006, 19; ma saunoaga na fofogaina i le Brigham Young University–Idaho i le aso 7 o Aperila, 2007.
A manatua e Robert D. Hales o le Korama a Aposetolo e Toasefululua tausaga faigata a o aoga o ia i le Aoga Faapisinisi i Harvard, fai mai a ia, “Sa matuai fālō lo’u malosi i le mea e gata mai ai.” I lana polokalama aoga mo le matuaofaiva, e tusa o le tasi vae tolu o tagata aooga sa—fālō lo latou malosii talaatu o le mea latou te mafaia—sa toilalo ma aveesea ai mai le polokalama.
E tusa o le taimi lea na maua ai e Elder Hales le valaauga e avea ma peresitene o le korama a le au toeaina. Sa popole o ia i le mamafa faaopoopo o le a tupu mai i lana polokalama ona o lenei valaauga. “O se tasi lea o nai taimi laiti i lo’u olaga sa ou lē ioe atu ai i le taimi lava lea,” o lana faamatalaga lea. “Sa ou alu i le fale i lo’u toalua ma faapea atu, ‘Masalo lava o le a le faamanuiaina la’u aoga pe afai ou te taliaina lenei valaauga. ’”
Sa tali atu Sister Hales, “Bob, e sili ia te a’u le i ai o sē e umia le perisitua ma toaga, nai lo se tagata e i ai sona tikeri o le matuaofaiva mai Harvard.” Ona ia fusi atu lea ia te ia ma toe faapea atu, “O le a ta faia mea uma e lua.
Sa tootutuli i laua i le tatalo ona amata ai lea ona la galulue. I masina na sosoo ai sa faigata, ae na mafai ona la “faia mea uma e lua.”
I ni nai tausaga mulimuli ane sa pisi lava le galuega a Elder Hales o le peresitene o se kamupani ina ua valaauina o ia e avea ma epikopo i lana uarota. Ina ua mavae le sefulu tausaga talu mai lena mea, i le 1975, a o avea o se sui peresitene o se faalapotopotoga tumaoti tele lava, sa valaauina o ia e avea ma fesoasoani i le Korama a Aposetolo e Toasefululua. Sa lei faigata ia te ia ona talia nei valaauga.
“Sa faigofie lava,” o lana saunoaga lea. “Sa ou faia lena faaiuga a o ou laitiiti.”
Sa faaiu le saunoaga a Elder Hales faapea, “O le a oo mai le fesili ia te outou uma lava taitoatasi i le olaga, “O le a le taimi e auauna atu ai?’ O le tali sili e mafai ona ou tuuina atu ia te outou, “O le taimi lava e talosagaina ai outou.’”
Ata na saunia e Steve Bunderson