Chile

Ia Me 1955 sa maua ai e le Misiona a Atenitina le faatagaga mai le Au Peresitene Sili e auina atu faifeautalai i Chile. I le tausaga na sosoo ai sa taunuu ai faifeautalai i le laumua, o Santiago. Sa faatasi atu i ai Elder Henry D. Moyle (1889–1963) o le Korama a Aposetolo e Toasefululua ia Iulai 1956 e faatulagaina le uluai paranesi i Chile. I ni nai masina mulimuli ane, sa papatisoina ai uluai tagata Chile.

A o faateleina tagata auai, sa faapena foi ona faateleina le faalapotopotoga a le Ekalesia. I le masina o Oketopa 1961, sa faatulagaina ai le Misiona o Chile, ma i le 1983, sa faamanuiaina ai tagata Chile i le i ai o la latou lava malumalu, sa faapaiaina i Santiago e Peresitene Gordon B. Hinckley (1910–2008). Ina ua maea ni galuega toe faafou o le malumalu, sa toe faapaiaina e Peresitene Hinckley i le 2006.

O ni nai mea moni nei e uiga i le Ekalesia i Chile i le vaitaimi lenei:

Tagata auai	548,628
Misiona	9
Siteki	75
Itu	24
Uarota ma Paranesi	612
Malumalu	1

O se vaaiga ia Santiago, le laumua o Chile.

I le 1956 sa faatulagaina e Elder Henry D. Moyle o le Korama a Aposetolo e Toasefululua le uluai paranesi i Chile.

O le potu selesitila i le Malumalu o Santiago Chile.