E Talanoa Mai le Atua e ala i Perofeta

Saunia e Sandra Tanner ma Cristina Franco

E faapefea ona e iloa le mea o le a fetalai atu ai le Tama Faalelagi ia te oe pe ana faapea o loo iinei o Ia? E fetalai mai le Atua e ala i se perofeta i aso nei e pei ona Ia faia i aso ua mavae. O le perofeta o—Peresitene Thomas S. Monson—e aoao atu ia te oe le mea e finagalo le Tama Faalelagi e te iloa ma fai ma avea ai oe. E faamanuiaina oe pe a e faalogo atu ma mulimuli i le perofeta. O aoaoga a Peresitene Monson e fesoasoani tatou te avea atili ai e pei o Iesu Keriso.

O nisi nei o mea e mafai ona e iloa mai saunoaga a Peresitene Monson. E mafai ona e iloa e alofa le Tama Faalelagi ia te oe. Na saunoa mai Peresitene Monson: “Ou te tautino atu o loo silafia e lo tatou Tama Faalelagi luitau o loo tatou feagai i le lalolagi i le taimi nei. E alofa o Ia ia i tatou uma taitoatasi, ma o le a faamanuiaina i tatou a o tatou taumafai e tausi Ana poloaiga ma saili atu ia te Ia e ala i le tatalo.”¹

E mafai ona e iloa o Iesu Keriso o lo tatou Faaola. Na saunoa mai Peresitene Monson: “O loo soifua le Atua. O Iesu o Lona Alo. … O Ia o lo tatou Togiola. … E alofa o ia ia te i tatou. … Na Ia ofo mai Lona soifua mo i tatou.”²

E mafai ona e iloa auale e te fesoasoani ai i lou aiga. Na saunoa mai Peresitene Monson: “Ia tatou faaali atu … le agalelei ma le alofa i totonu o o tatou lava aiga.”³

E mafai ona e iloa le auala e te fesoasoani atu ai i le lalolagi o loo e ola ai. Na saunoa mai Peresitene Monson: “Ia avea i tatou ma tagatanuu lelei o malo o loo tatou nonofo ai, ma ni tuaoi lelei i o tatou nuu ma alalafaga, ia aapa atu ia i latou o isi faatuatuaga faapea foi ma o tatou lava tagata.”⁴

Mati 2010 Api Talaaga o Mau

Faitau le Luka 1:70 i le Feagaiga Fou.

Tatalo e ole atu ai i le Tama Faalelagi e fesoasoani ina ia e malamalama i le mau lenei ma iloa e moni. Tatalo ina ia e iloa o Peresitene Thomas S. Monson o le perofeta i aso nei.

Tauloto le mau lenei.

Fai se gaoioiga se tasi o gaoioiga nei, pe fatu sa oe lava gaoioiga:

Fai le gaoioiga o loo i le itulau e 69. Oti ni avanoa i luga o laina motumotu; ona oti ese lea o avanoa, ae momono atu i lalo ane o ata o perofeta ina ia laina faatasi ia mau ma ata. Su’e mau e iloa ai igoa o perofeta. Tusi igoa i laina avanoa.
Tilotilo i ata o perofeta o loo i le itulau e 69. Ia talanoaina ma lou aiga ia aoaoga a nei perofeta.
Faitau ia upusii nei po o nisi mea na aoao mai e perofeta ia i tatou:

“Su’e se tasi o loo i ai i se tulaga faigata, … ma fai se mea mo i latou.”⁵—Peresitene Thomas S. Monson
“Ia aua lava ne’i galo ona e tatalo. Ia e tootuli i po ma taeao uma.”⁶
—Peresitene Gordon B. Hinckley (1910–2008)
“Talosia ia tatou faitau uma i le Tusi a Mamona ma le agaga tatalo, suesue i ai ma le toto’a, ma maua se molimau i lona paia.”⁷—Peresitene Spencer W. Kimball (1895–1985)

E faapefea ona fesoasoani mea ua e faia e te malamalama ai Luka 1:70?

Tusi i lau api o talaaga pe tusi se ata e uiga i le mea ua e faia. ◼