Manatu mo Afiafi Faaleaiga

O loo i ai i le lomiga lenei ni tala ma gaoioiga e mafai ona faaaoga mo afiafi faaleaiga. O ni nai faataitaiga nei:

“O Le Tulafono o le Anapogi,” i. 26: Mafaufau e fai se ata faataatia a le aiga mo le isi Aso Sa anapogi. Fai se tonu po o le a le taimi e tatalo ai le aiga e amata ai ma faamuta le anapogi. Ia talanoaina po o le a se mea e tatau ai ona outou anapogi ma pe faapefea ona faamanuiaina outou e ala i le faasoa atu o a outou molimau i le taimi e anapogi ai. Afai e le mafai e se tagata o le aiga ona alu e aunoa ma le meaai po o le vai, ia talanoaina nisi auala e mafai ai ona ia auai.

“ Ia Lē Faalagolago i le Malosi o le Tino,” i. 40: Valaaulia tagata o le aiga e fetufaai pe na faapefea ona avea i latou po o se tagata o le aiga ma se tagata ua lelei atu i le tausaga ua mavae. Ona valaaulia lea o tagata o le aiga e faatu se sini o le a fesoasoani ia i latou e avea ma tagata e finagalo le Atua e avea ai i latou.

Ina ia faapupula e mafai e le Tama Faalelagi ona faalautele a tatou taumafaiga, ia valaaulia tamaiti laiti e sii se mea e mamafa. Ona fesoasoani lea i ai o se tasi o matua po o se tamaitiiti e matua atu. O lē fea e faigofie atu ae pe aisea foi? O a ituaiga o mea e na o le fesoasoani a le Tama Faalelagi e mafai ai ona tatou faia?

“Mau Taia i se Cumbuca,” i. 48: Fai o se aiga, mafaufau e fatufatu sa outou lava cumbuca e tuu i ai se mea e matua manaomia. Ona feauaua’i lea e fai ma “manuki.” Ia talanoaina pe faapefea ona taumafai Satani e maileia i tatou, pe mafai faapefea ona tatou ‘alofia ia mailei, ma po o le a le mea e mafai ona tatou fai pe a mau taia i tatou i se mailei.

“O Le Faamanuiaga Faaleperisitua o Lindsay,” i. 66: Ia talanoaina po o a faamanuiaga faaleperisitua, ma valaaulia tagata o le aiga e faasoa mai o latou lava aafiaga i le mauaina o faamanuiaga faaleperisitua. E mafai ona e fesili: O a ou lagona ina ua e mauaina le faamanuiaga? Na faapefea ona fesoasoani ia te oe? Aisea e te faafetai ai mo le perisitua?