Nai Otootogao le Lalolagi

Ua Faamamaluina le Faasilasilaga Faalauaitele o le Auaunaga a le Ekalesia

Ua aloaiaina e se kamupani faasalalau ma faalauiloa i Uosigitone D.C. se faasilasilaga o le auaunaga lautele e faia e le Ekalesia. “Swashbucklers,” o se vaega puupuu i le taua o le tulaga faatamā, na aloaiaina ona o le talafeagai lelei, maualuga le tulaga auau mama o le gaosiga, ma le suifefiloi maoae o le sagisagi fiafia, malie, ma le mafanafana, e tusa ai ma le Suesuega a le Au Faasalalau a le Atunuu. O le faasilasilaga o le auaunaga lautele o se vaega o le ata faasolo o le Homefront E mafai ona maua i le Savali FaaMamona i le alaata o le YouTube, www.youtube.com/mormonmessages. Saili le “swashbuckler.”

Ua Aloaia e le Aufono a le Autism le Uepi Saite a le Ekalesia mo e e i ai Manaoga Faapitoa

Na tauaaoina atu e le Aufono a le Autism i Iuta i le Ekalesia le taui mo le Faalapotopotoga Maoae o le Tausaga i le aso 14 o Oketopa, 2009, e aloaia ai le Uepi saite a le Ekalesia o Punaoa mo e e i ai Manaoga Faapitoa. Ua ofo atu e le saite ni punaoa mo tagata e i ai manaoga faapitoa—e pei o i latou e logonoa, tauaso, gugu, faigata ona a’oa’o, ma isi mea faapena—ma i latou e tausia i latou, aiga, ma taitai o le Ekalesia. E mafai ona maua le saite i le www.disabilities.lds.org.

Ua Tuufaatasia Aulotu Uosigitone i le Pese

E silia ma le 170 leo mai aulotu eseese e ono, e aofia ai ma le Au Paia o Aso e Gata Ai, sa auai faatasi i se faatinoga e ta’ua “O Se Mafutaga Faamusika a Ekalesia Kerisiano Tuufaatasi—Tasi Le Leo i Pese ma le Faamanu” i Redmond, Uosigitone, ISA, i le 2009. Sa talimalo le Ekalesia Katoliko a St. Jude i le sauniga—lea na aofia ai aulotu Anelikana, Periperiane, Luteru, ma le Metotisi—e faafetai atu ai i ekalesia tuaoi ma le alalafaga mo la latou lagolago atu i le Tent City 4, o se tolauapiga i le lotoifale a ē ua leai ni aiga.