Molisulu o le Malumalu
Malumalu o São Paulo Pasila
Na faapaiaina i le 1978 e Peresitene Spencer W. Kimball (1895–1985), le Malumalu o São Paulo Pasila o le malumalu muamua lea na fausia i Amerika i Saute. Na faatupeina se vaega mai saofaga a tagata o le ekalesia i le lotoifale, o le toatele sa leai ni tupe e foai atu. Nai lo lena, sa latou ofoina atu a latou mama faaipoipo, taulima, pine, ma isi mea taua patino.
O le malumalu o se mamanu faaonaponei e tasi lava lona tumutumu. O ona faavae ua matuai mausali e talitalia ai nisi fogafale e 13, ua avea ai ma se maota e toetoe ina le afaina i se mafuie.
O le pito i fafo o loo faia i le maa na gaosia mai i le tuufaatasia o le maasoama ma le mapu, ina ia faamalosia ai le sima o loo pito i totonu. E 3,000 laupapa o loo pito i tua e 400 ituaiga tetele ma siepi eseese, ua ofi lelei i tulaga faapitoa o le puipui o le malumalu aua o le va o laupapa e le sili atu lava ma le tasi le milimita.
O le 2004 na toe faapaiaina ai le malumalu ina ua maea ona toe faafou, lea na aofia ai le tuuina i ai o le agelu o Moronae i le tumutumu lea sa le’i i ai muamua.