Ua Sili Oe

Jonathan D., 18 tausaga, Suitiselani

Na faatoa uma lava ona ou faia ni papatisoga mo e ua maliliu, ae ou maua se feau e faapea ua maliu se tasi o a’u uo lelei lava. O ia o se alii talavou sili ona lelei, ma sa tele ni taimi sa matou fiafia faatasi ai i gaoioiga a le Ekalesia.

Sa ou alu i lona falelauasiga i le tolu o aso mulimuli ane, ma ou feiloai atu ai i ona matua ma ana uo. Sa ma nonofo faatasi ma se tamaitai o la matou uarota i le falesa, ma na amataina le sauniga i se pese ma se tatalo. Na sosoo ai ma ni saunoaga mananaia, ma na tataina foi nai pese.

Ou te le’i mauaina lava se molimau malosi e uiga i le ola faavavau, ae ina ua amata ona matou usuina le viiga “Ua Sili Oe,” sa amata ona ou tagi. Na fesili mai le tamaitai sa i ou tafatafa pe o a mai a’u, aua na ia iloa mai lo’u tagi masūsū. Ae sa le o ni loimata na o le tiga po o le faanoanoa. Ae ona sa ou lagonaina le malosi o le Agaga, ma mai lava i lena taimi seia oo mai nei, na ou iloa ai o le a mafai ona ou toe vaai i la’u uo.