Fiji Leen ko an Tōmak
Juon baam̧le eaar lo m̧ool eo, bar juōn baam̧le rej eddōkļo̧k ilo juon doulul in iakwe, im juon jiron̄ ewōr an lōke kōn tōmak.
Kar laļe Fiji āinwōt jikin kaloojoj jen aolep jikin ko jet ilo laļin—juōn jikin kone eļan̄n̄e ej lōn aban̄ ko ilo jikin ko rellab im wāween mour ko rejjab em̧m̧an. Ak ejjelok laplok Baluun ko, satellites eo,im wāween an laļin in rool ej boktok elōn jeram̧m̧an ko n̄an ibarijet in Fiji jeram̧m̧an ko an raan kein im kwoj loe ilo jikin ko jet ilo laļin. N̄an ro uwaan Kabun in ilo Fiji, wāween eo em̧m̧antata n̄an jelm̧ae aban̄ kein ej āinwōt wāween eo ilo mōttan ko jet ilo laļin: tiljek ilo pokake pedped ko an gospel eo.
Jilu waanjon̄ok ko jen Fiji wāween katak kilen an būrinjibōl kein kōm̧m̧ane jekjek in mour ko ad.
Baam̧le eo an Kumar
Geroage Kumar eaar pukōt juon wāween eo emaron̄ jeļā ke ļaddik eo nejin eritto, Ryan, enaaj mour ilo wāween mour erreo im inemmaan. Baam̧le eo an Kumar eaar lo eļapļo̧k: m̧ool ko indeeo an gospel eo me eaar leļo̧k n̄an er juōn wāween mour ekāāl im em̧ōņōņō ļo̧k.
Gospel eo eaar kōkobaik baam̧le eo, Būratōr Kumar eaar ba. “Kōmij jolok elap iien ippān doon—elōn̄ iien ko rem̧m̧an, kōn wāween jimjerā eo ebellok.” Rej kōm̧m̧ane iien jar ko an baam̧le aolep iien, im eman̄ijn̄ij aer kōm̧m̧ane iien nokin in jota an baam̧le ko aer ej “juōn men eo em̧m̧an,” Ryans eaar ba.
Ryan eo im eaar tōl ial in lok n̄an Kabun̄ in.
Ke Ryan eaar em̧m̧an dettan wōt, George Kumar eaar kōnan jeļā ial eo ļaddik eo nejin emaron̄ lore ilo mour in. Inebata bwe Ryan im ro mōttan ejjab jim̧we aer jolok iien ko aer ippān doon, George eaar pukōt juon wāween n̄an an wōrwōre ļaddik eo nejin bwe en bed ippān jodrikdrik eo em̧m̧an mwilier. George eaar ekkatak jen an kōnono ippān eo ri-likin eo ej jerbal ilo Fiji LDS church College, ilo Suva, ke Ryan emaron̄ deļo̧ņe ilo admission. (College eo an kabun in ej secondary jikuul n̄an junior high school ko im jikuul ko reuteij lok ilo bar jet jikin.)
Alikin an kar lein deļo̧ņe Church College, mwilin Ryan eaar jino em̧m̧anlok. “Ej waanjon̄ok kōn rijikuul ro jet,” Lein eaar ba. Moktalok, E eaar jolok elap iien ko an ippān ro mōttan kajjion̄ bōk makitkit ko an ekajeb. Ak alikin an loe oktak in mour ko an rijikuul ro ilo jikuul eo an Kabun in, “eaar jako kōnan eo aō n̄an kōm̧m̧ani men kein,” lein eaar kōmeleleik.
Ryan eaar bōk juōn an naan in kamool eo ekajoor kōn gospel eo, im jinen im jeman rar lukkuun m̧ōņōņō kōn oktak ko ilo mour eo an ke eaar kajjitōk ippāer kōn mālim in an peptaij im kapine, raar m̧ōkaj im ba aet. Ryan eaar jab bar kobalo̧k ippān ro mōttan. Elōn mōttan ro rekāāl.
Ke eaar kajjitō ippān jinen im jeman bwe ren ron̄jake mijinede ro, mekrata, “kōm ar tabur kōn wāween in” George eaar ba. Ejja ilo wāween in wōt, rar lo an gospel eo boktok elōn̄ oktak ko n̄an mour eo an Ryan, kōn menin rar jeļā ke Kabun in em̧m̧an. Ilo an kar oktaklok n̄an ippan Ryan mwilin eaar kōm̧m̧an bwe ilo iiō eo kein kajilu im aliktata ilo kaleej eo an kabun in, rar na etan ļaddik eo ilōn̄tata, anōr ko rar lilok n̄an ri-jikuul eo eaar jolok aolepān kōttōbar ko an ilo jikuul in.
Jet iaan oktak ko ilo mwil ko mwilin Ryan rar kabwilōn̄ jinen im jeman. Etke, n̄an waanjon̄ok, rar jab maron̄ iunilok ie n̄an an mōn̄ā ilo Jabōt ko im̧aantata ilo kajjojo allōn̄? Ak ke Ryan ej kōmeleleik unin ad jitļok, jinen im jeman rar melele ke oktak ko ilo mour eo an rar ļapļo̧k jen ke raar jeļā.
Ļaddik eo edik jatin Ryan, Michael, eaar ļōmņak kōn oktak ko ilo mour eo an ļaddik eo jein, im Michael eaar barāinwōt ron̄jake gospel eo. “Ryan eaar jino etal n̄an iien makitkit ko an kabun in,im men eo eaar kabilōk iō ej ke aolep iien ej ro̧o̧ltok, elukkuun m̧ōņōņō,” Michael eaar ba. “N̄a make iar kwaļok iō make n̄an mijinede ro. Iar kōnan bōk katak ko. Iar kōnan peptaij im kapine.”
Ke mijinede ro raar jino kwalo̧k katak ko rekāāl an ro uwaan kabun̄ in n̄an Michael ālikin an kar peptaij, jinen, Alitiana, eaar jino ron̄jaki. Menin eaar bar jelōt leo ippān, im tokalik aolepāro George im kōrā eo ippān eaar wōr aer naan in kam̧ool ko ippāer.
Ryan eaar maron̄ peptaij jinen im jeman n̄an kabun in ilo 2006 eo, tokālik m̧okta jen an kar etal im kōm̧m̧ane mijen eo an ilo New Zealand Wellington Mission. Tokālik, mokta jen an Michael etal im mijen, eaar maron̄ kobalo̧k ippān jinen im jeman ilo aer kar deļo̧n̄ļo̧k ilo tampeļ. Elder Michael Kumar eaar etal n̄an Utah Salt Lake City South Mission ilo Okwōj 2008, tokālik mokta jen an Ryan jepļaak jen New Zealand.
Kōm̧m̧an juōn mōttan jon̄oul im ijjilōklok jāān n̄an ippā ļaddik ro nejin ilo jikin mijen ko aer eaar juōn men eo ebin n̄an Kumars ro. Kōļļā eo an būratōr Kumars eaar bwe wōt n̄an kōļļaik wōnāān m̧weo mweir im n̄an jerbal ko jet. Ak raar kōm̧m̧ane kaarmejete eaikuj; aolepān baam̧le eo raar meļeļe kōn aikuj in. N̄an waanjon̄o̧k, jabdewōt iien būratōr kumar ej m̧ōņōņō im ba ke remaron̄ ren itoklimoir kōn “ekkā” kadikdik aer mōn̄ā ilo jotenin eo, baam̧le eo ej meļeļe ke enaaj ejjeļo̧k kanniōk n̄an aer kōjota. “Elōn raan kōmij mōna wōt bilāwe im idaak cocoa,” Michael eaar ba.
Ryan eaar ba bwe em̧ōņōņō kōn wāween eo jinen im jeman’ rej kōm̧m̧ane jortak eo. aer “Iar katak bwe rar lukkuun m̧ool ilo aer kar kōm̧m̧ani bujen ko aer.”
Ļaddik eo jatin Ryan eaar kwaļok ke jen iien bwebwenato eo aer, “kōmij jelm̧ae men ko reppen āinwōt juōn baam̧le. Jemed Ilan̄ eaar jipan̄ kōm.”
Iien ko an baam̧le eo eaar m̧ōkaj an tōbar mour ko an ro jet barāinwōt. Ruo rilikin Ryan im Michael ro rar itok im jokwe ippān Kumars ro rar barāinwōt kālōt n̄an aer ron̄jake katak ko an mijinedede ro im kobatok ilo Kabun̄ in.
Kōjeram̧m̧an ko jen menin jortak ko an Kumars ro rar jimor ilo mour in kanniōk im ilo mour in jetōb, Būratōr Kumars eaar ba. Rar maron̄ kōm̧m̧an bwe jāān ko aer ren bwe n̄an kabwe aikuj ko aer. Im alikin an Michael etal n̄an jikin mijen eo an, brother Kumars eaar maron̄ bōk juon an jerbal kāāl eo eaar kōjatdrikdrik bwe enaaj m̧ōkaj an jipan̄e kōllāik wōnan mweo mweir.
Ak kōjeram̧m̧an ko an Kumars ro ilo mour in jetōb ko rar bōki elaplo̧k aer aorōk n̄an mour ko aer. Geroge im Alitiana rar lo an eddōklok kūr ko aer ilo Kabun in—Leo āinwōt juōn būreejtōn an douloul eo an eļtōr ro ilo Lami Second Ward, Suva Fiji North Stake im lio āinwōt rikakpilōklōk eo kein karuo ilo Piraimere eo an ward.
Ryan eaar kōm̧m̧an an kōjjeļā kōn mour eo an kiiō ke elap an oktak jen elōn̄ mour ko an ro mōttan: “aolep iien ej lōn men ij kōm̧m̧ane—jet men ko n̄an kalōk ailōn̄ in kiin̄ eo.” N̄an ļōmņak mour eo an ilju im jeklaaj, eaar ba, gospel eo ej kōm̧m̧an bwe jen ritōmak “lale men ko rej itok jen ļōmņak ko ad n̄an indeeo.
George im Alitiana Kumar raar jimor katakin katak ko an ri Kirijin ro m̧okta jān ron̄jake gospel eo. Ak rar jab lo ainōm̧m̧an ilo katak ko rar katak kaki. “Ilo bar jet kabun̄,” brother Kumars eaar ba, “kwoj katak n̄an mijak Anij—n̄an mijak kien ko an. Ak Pinm̧uur eo an Jisōs Kraist eaar bar lewōj juon am iien.”
Kumars ro rar kajjion̄ n̄an kōm̧m̧ane bwe wāween in kein karuo en em̧m̧an.
Baam̧le eo an Naivaluvou
Peni im Jieni Naivaluvou rar kalōn̄lok baam̧le eo aer ilo aer kar bōk emen leddik jen Vanuatu ro rar pād ilo Fiji LDS church college. Ak Naivaluvou eaar jab lo ke men in eaar juo̧n menin ujebleblok. Rej en̄jake aer jeram̧m̧an ilo aer kōm̧m̧ane wāween in Juōn iien kōjeram̧m̧an ko,me rej tōmak kaki,ej ilo aer kobaiklok nin̄nin̄ Hagoth n̄an ippān baam̧le eo aer,ar lotak ilo Jānwōde 2009.
Moktalo̧k ilo 2008 Bisop im Jejtōr Naivaluvou jen Tamavua Ward, Suva Fiji North Stake, rar ron̄ ke ruo ian rijikuul ro jen Vanuatu rar aikuj jikin aer jokwe, innām Naivaluvous rar lelo̧k er make n̄an kōm̧m̧ane wāween in. Ļaddik eo nejier, 18, im Ross ej 16, rar jako jen mweo rar bed ilo juōn jikuul ilo Tonga, āneo anen ritto ro an jemer. Leddik ro ruo jān Vanuatu raar iuwe, ilo wōņāān eo eļap n̄an ro jiner im jemer, ippān juōn baam̧le ejjab LDS ilo Suva. Leddik ro ruo remaron̄ ro rem̧m̧an m̧ōttan Andrea Naivaluvou kar tōre 13 iiō dettan bar āinwōt etal n̄an Church College im kar tōkāk ļo̧k m̧weo im̧ōn raeļepen eo m̧o̧kta jān an ro jinen im jemen mōj aer jerbal. Innām brother im Jejtōr Naivaluvou rar lōmank bwe remarōn karwainene rein ruo jen Vanuatu n̄an aer jokwe ilo imweo imweir kōn ejjelok wōnan.
Leddik eo raar akwelap n̄an aer kōļļā, ak kar wōnāān eo renaaj kōļļāik edik jen ta eo rar kōllāik m̧oktalo̧k—juōn kōjeram̧m̧an n̄an baam̧le eo aer.
Ilo kar Eprōļ bar ruo leddik jen Vanuatu raar lotok im raar m̧ōņōņō kōn wāween mour eo ilo im̧weo imōn baam̧le eo an Naivaluvou ro. Ālikin jidik iien leddik rein ruo rar kajjitōk elan̄e remaron̄ itok in jokwe ijo ippāer. Naivaluvou ro raar m̧ōņōņō kadeļo̧n̄ er.
Ewi wāween am jerbale eļan̄n̄e ebar koba waj emen jodikdik ro n̄an m̧weo mōm. “Kōmij kōm̧m̧ane juōn jemjerā ikōtaam āinwōt n̄e rej lukkuun leddik ro nejimi,” Bisop Naivaluvou eaar ba. Naivaluvou ro rar kalikkare jen jinoin ke leddik rein rej watōk er āinwōt jet ro uwaan baam̧le eo. Leddik ro emen jen Vanuatu rar lukkuun ebake n̄an doon ilo kadkad ko aer, ak ilo imweo imo̧n Naivaluvou ro rej kōm̧m̧an n̄an doon āinwōt jemjen jemjati ro rar lotak jen juōn wōt mama im baba. Andrea Naivaluvou eaar barāinwōt itok im errā ippāer “āinwōt leddik ro jeiū im jatū,” eaar ba; leddik ro reritto rar lale im jiban̄e kōn katak ko an elan̄e ej aikuj jiban̄. Leddik rein emen rar jino im kūr bisop im jejtō Naivaluvou baba im mama—“jinō im jemā” ilo kajin Fiji.
Emaron̄ ej kab kein kajuōn in, jejtōr Naivaluvou eaar ba, leddik ro jen Vanuatu me rej jikuul ilo college eo an kabun̄ in rar maron̄ in uwee ippān baam̧le ko rej uwaan. Jemān juōn ian leddik ro, ke eaar itok im lotok, eaar kwaļok an kam̧m̧olol eļap n̄an Naivaluvou ro kōn iakwe eo raar leļo̧k n̄an leddik eo nejin.
Jejtōr Naivaluvou eaar kōmļeļeik ke juōn iaan leddik ro, ej nejin district būreejtōn ilo Vanuatu, eaar kōm̧m̧ane juōn waanjon̄o̧k eo em̧m̧an n̄an baam̧le eo aer kōn tōmak eo an; Bisop Naivaluvou eaar ba bwe waanjon̄o̧k in an leddik in eaar jiban̄ baam̧le eo an bwe ren kōļapļo̧k aer riiti jeje ko rekwojarjar ippān doon im kōm̧m̧ane iien nokin in jota an baam̧le ko aer.
Naivaluvou rein jimor rar ba bwe rar lukkuun jeram̧m̧an ilo mour in kanniōk kōnke raar lelo̧k n̄an ro jet. Menin jeram̧m̧an ko aer raar ļapļo̧k. Im Jejtōr Naivaluvou ej tōmak kōjeram̧m̧an eo an maron̄ bar bōro̧ro ālkin 13 iiō ko ej ekkeijel ippān m̧ōņōņō eo aer jan kwaļo̧k iakwe ippān ro jet.
Ke ļaddik ro ruo nejin Naivaluvou ro rar ro̧o̧lto̧k ilo jemlokin in iiō in jikuul eo aer ilo Tonga, rar barāinwōt errā n̄an watōki jiron̄ ro āinwōt ro rej uwaan baam̧le eo aer. Ak bōlen Soane emaron̄ jolok an bōd kōn an jab lale leddik rein āinwōt jejtōr ro. Eaar kile an kōnan bōk juōn ian jiron̄ ro bwe en jeran n̄an iien piraam eo. Eaar kōm̧m̧ane jerbal eo an āinwōt emmaan ro.
Ke leddik rein emen ej dedeļo̧k iiō in jikkul ko aer im rej bojak in ro̧o̧l n̄ān Vanuatu ilo jemlokinlo̧k 2008 eo, iien kōjjemlo̧k eo aer rupe buruweir, Bisop Naivaluvou eaar ba. Ej āinwōt n̄e e im lio ippān rej iak-iakwe leddik ro emen nejier. Im ke jikuul eaar bar ijjino ilo 2009, Naivaluvous eo raar m̧ōņōņō n̄an karuwaineneik “leddik ro emen nejier”—koba bar ruo.
Kōn an emen wōt ruum ilo mweo mweier, jet rar bwilōn̄ ewi wāween aer naaj kōm̧m̧ane jilijino ruum n̄an jiron̄ ro koba ippān leddik eo nejier make im juōn nin̄nin̄ ej kab lotak. Ak baam̧le eo an Naivaluvou eaar mōjak an kōm̧m̧ane wāween in kōn ejjelo̧k aban̄.
Ālikin aolep kain, ejjab juōn jorrān n̄an kōj wōj kajojo. Ej juōn wāween n̄an kōlaplo̧k doulul in iakwe eo aer.
Asenaca Ramasina
Ilo kar 2008, Asenaca Ramasima eaar wini kawinwin ko ruo me rej kōmm̧m̧an n̄an rijikuul ro ilo Fiji LDS church College. Mokta, rar kālōte āinwōt dux, ak juōn ri-jikuul eo euteijtata ilo jikuul eo. Kawiwin eaar boktok wōnan jikuul. Ak leddik in eaar barāinwōt bōk Lion of the Lord Award eo, kar lelok n̄an rijikuul eo eniknik. Leddik in eaar lap an kaorōk kawiniin eo an kein karuo jen men eo m̧okta, kōnke eaar kakememej ie kōn wāween an kar jino likit an tōmak ippān Jemed Ilan̄ jen raan n̄an raan in an mour.
Mour eaar bin kadede n̄an Asenaca, men̄e eaar 19 wōt an iiō. Im menin eaar kōm̧m̧an kam̧ōņōņōiki—kōn jeļā eo ke baam̧le eo an rej pād n̄an indreo kōnke emōj aer kar liab ilo tampeļ eo ilo Suva Fiji ilo 2001 im m̧ōņōņō kōn jeļā eo ke Jemed Ilan̄ ej iakwe e.
Asenaca ej dik tata eo ibwilijin lalem ajri, ālikin emen ļaddik ro jein. Ālikin an jemāer mej, leddik in eaar ba, ļaddik eo jeir eritto tata,eaar jerbal in mijinedede, eaar ba n̄an er bwe ren kōmejmej ke jemeer ejjab jako jen er; aolep iien enaaj pād ippāer.
Ļaddik ro jein rar ribōktok jeraam̧m̧an n̄an baam̧le eo aer, ilo an jineer erom juōn wāween jetōb eo ej kakobaik er wōj ippān doon. Ajir ro rar jeram̧m̧an ke āinwōt eaar ļoore jenkon neen jineer im jemeer.
“Jemā eaar ri kalwetak n̄an iiō. Aolep iien eaar katakin kōj, ‘Niknik, niknik,’” kōn ainiken eo emera ilo kajin Asenaca ej ba. Niknik ilo jikuul eaar wāween eo eaar kautiej jemen im jipan̄ jinen. Scholarship eo eaar itok ippān kawinwin eo an dux tok ej juōn jiban̄ eo eaurōk jān Asenaca me eaar kōm̧m̧ane n̄an kōllāik wōnan jeļāļo̧kjeņ eo an make.
Waanjon̄ok eo an jinen im jemān rar barāinwōt lelok n̄an leddik eo bedbed n̄an jeļāļo̧kjeņ ikkijien mour in jetōb eo an. “kōm ar katak aolep raan ilo mweo wāween ad riiti jeje ko rekwojarjar ippān doon im katak ko jen ro jinem im jemam,” Asenaca eaar ba. Jinen, eaar kakobaba, wōnmaanļo̧k wōt n̄an kalōk ioon pedped in n̄an baam̧le eo an.
Katak aolep raan an Asenaca kōn jeje ko rekwojarjar ejipan̄ e dāpij wōt im kōkajoorļo̧k tōmak eo an ilo Jisōs Kraist. Leddik in ej kōm̧m̧an iien an riiti jeje ko rekwojarjar jekdoon ta jikejikuul eo an.
Tōmak ilo Jisōs Kraist eaar jipan̄e bwe en pād wōt im epaake Jemed Ilan̄ innām emaron̄ in kūr n̄an e kōn jipan̄. “Ijeļā bwe E ej bed wōt ijo,” leddik in eaar ba. “Elan̄e inaaj kōm̧m̧ane ta ko ekōn̄an bwe in kōm̧m̧ani, E enaaj bed ijo n̄an iō, im jetōb eo an enaaj kabenlo̧k ta eo ejim̧we.”
Tōl in eaurōk elan̄e jet ro mōttan jo̧n̄ān wōt e rej kajjion̄ in kapoiki“kamōn̄ono ko an laļin”ilo aer kōm̧m̧ane wāween ko—āinwōt idaak dān in kadōk, kōbatbat,im kōjedoon mour erreo. Ak “men kein rōkakkure bōkelōt ko aō,” Asenaca eaar ba, im kōn tōmak eo an im aenōm̧m̧an eo ej en̄jake ilo tōl eo an Jemed Ilan̄, “imaron̄ in ba jaab.”
Jerbal ilo kabun̄ in, E eaar ba, eaar jiban̄ bwe en ejaake jet lōke ko me en kar jab wōt ippān. Menin aurōk n̄an e elan̄e enaaj kamōj an jikuul ilo college eo an kabun̄ in, kōnke ewōr an kōjatdikdik n̄an an maron̄ etal n̄an Brigham Young University ilo Provo, Utah, ak BYU–ilo Hawaii n̄an katak kilen bōnbōn.
Jikin kein relukkuun ettolo̧k jen imweo imo̧n baam̧le eo an ilo jikin ko rettā ilo melaaj ko ilo Suva. Emaron̄ ke kamijak jidik n̄an etal ettolo̧k jen imweo mo̧d? Asenaca eaar lōmnak kōn kajjitōk in iumin jidik iien, innām eaar ettōn dikdik. Aet, E eaar uwaak—ak enaaj kōm̧m̧ane n̄an kōtōbrak kōtōbar ko an.
Epidodo n̄an tōmak ke Asenaca enaaj kōm̧m̧ane ta ko ej ba. Leddik in eaar em̧m̧an an kōm̧m̧an ilo an tōbrak kōttōbar ko an. Im āinwōt elōn̄ iaan ri-tōmak ro ilo kabun in ilo Fiji, E eaar lo an eddōklok im kajoorlo̧k mour in jetōb im kanniōk eo an kōn an kamineneik tōmak eo an im kōjbarok kien ko an.
Pija jen Don L.Searle.
Geroage, Alitiana, im Ryan Kumars.
Eļtōr Michael Kumars ilo an kōm̧m̧ane mijen eo an ilo Utah Salt Lake City South Mission.
Imaan: Peni, Jieni, im Andrea Naivaluvou. Itulik: Soane im Ross Naivaluvou.
Suva Fiji Tampeļ.