Jipañ Kōm̧m̧ane Bwen Waļo̧k

Jān Richard M. Romney

Mekjiin ko an Kabun̄

Eñin ej ta eo jiroñ rein jān India rej kwaļok jān tōre eo raar kōm̧m̧an būrojāāk in jipan̄ eo ekar kōm̧m̧an bwe aoleppen branch eo aer en mōņōņō kake nokin jota an baam̧le.

Jiron̄ ro jān Chennai Second Branch, Chennai Indai District, rōkar kōņaan kōkātak ro uwaan brancj eo n̄an kōm̧m̧ane nokin jota an baam̧le. Ar jab bōk iien aetok bwe en waļok waanjōñok eo elam̧waan im pidodo kōjerbale. Raar kōm̧m̧an jet neen nokin in jota ko: jaat ko ewōr juōn kein dāpdōp n̄an jeļā kōn jerbal ko kōm̧m̧ane āinwōt jar, kwaļok juōn katak, im kōppojak kein “kakajoor ko.”

Peba eo ej drolul ar juōn men eo e pidodo im lōñ kalurin.Wiil ko an pepa raar lamwaan ak raar ilar. Raar ekkar jen makūtkūt ko an juōn Doulul in Jiroñ ro ilo im̧ōn kweļok eo juōn jotteen, kajjojo iaereaar kalikkar bwe ej aer eddokōn pija ko an baam̧le eo ekar kōm̧m̧n ñan aer jerbal. Ruo ian jiroñ ro, Sushmitha Santhosh, 15, im leddik eo jatin Sujeetha, 14, raar mōņōņō elap tata kōn aer jela ke rej āinwōt ro uwaan rōkāāl ilo kabuñ in, er un baam̧le eo aer raar bōk wiil eo aer moktata.

Ālkin Koba Ippān Doon eo kōm̧ kar ilo̧k āinwōt juōn doulul n̄an mōn jokwe eo aer, im kar leļo̧k wiil eo n̄an jemāer,” ej ba daise Daniel, 16. “Aolep ro uwaan bam̧m̧le eo raar m̧ōņōņō.” Baam̧le eo emōj aer kar jino kōnaan kōn nokin in jota ippān jet ian mijinede ro rej tōllo̧ke jerbal in, im wiil kar leļo̧k n̄an er bar jiddik jipañ kōn ta eo raar katak kake.

Jiroñ ro raar bar kōm̧m̧an ebwe wiil ko ñan leļo̧k n̄an aolepen bam̧m̧le ko an ajri ro ilo Piraemere eo ilo branch eo. Innem raar bar kōm̧m̧an jet kakobaba in wiil ko ñan aer lelok ñan mijende ro ej aer tōllo̧ke jerbal in bwe ren lelok ñan rikāāl ro.

“Elōn̄ jet iaam̧ ilo branch eo rej ro uwaan rōkāāl, im kōm̧m̧ij jab kōm̧m̧an nokin in jota,” Daisy ej kwaļok. “Ak ewōr juōn aō naan in kam̧ool ke iien nokin in jota enaaj jipañ ajri ro im jineer im jemāer n̄an koba ippān doon, im ij kōjatdikdik bwe ta eo baam̧le kein rej loe ilo wiil in nokin in jota, renaaj ļōmņak, ‘Ekwe, ro uwaan ilo Kabun eo rej iakwe kōj, im raar leto̧k n̄an kōjkakeemejej in, āindein jen kōm̧m̧ane nokin ij jota eo ad., “Ledik eo eaar kaajimeleleik ke ejjab etto nokin in jota enaaj iien elap wiik otemjej n̄an elōn̄ armej ilo branch eo.

Juōn Jipañ Em̧m̧an Ej Tōlloke Bar Juōn

Peba in nukin in jota eo ej juōn ian men ko rej letok jipañ ñan kōj jen jiroñ rein im raar kōm̧m̧ane. Nokin in jota wii ko rej bar juōn iaan jet jipan̄ in būrojāāk ko jiron̄ rein raar kadedeļo̧kke. Ilo juōn kakkōt n̄an jipan̄ juōn kōrā emej ļeo pāleen jān branch eo en̄jake an dikļo̧k an make iaan, jiron̄ ro raar kainekneke juōn iep im kar kanne kōn elōn̄ ennaan ko rekaddu, kam̧ōņōņō kar jei kōn pā. “Ejjeļo̧k juōn ijeņ n̄an kōjparok kōrā in,” Daisy ej kwaļok. “Innām kōm̧ kar kōnaan kakememej kōrā eo ke ro uwaan ilo branch eo rej ļōmņak kake e.” Jiroñ ro raar bōkļo̧k iep eo ippāerļo̧k im kar kōmļeļeik ke kōrā eo emaroñ riiti juōn ennaan kajjojo raan ñan bōktok juōn ettōñdikdik iturin mejān.

Iep in ennaan ko ej im̧ōk bar juōn meļeļe. Jiroñ ro raar ļōmņak im jeje leta in kam̧m̧oolol ko ñan doon.“Kōj kajjojo ej jeje juōn leta eo em̧m̧an ñan kajjojo ro jet,” kōmļeļe Monisha Kalai Selvam, 13.

Nokin In Jota eo Etto an Pād!

Kōn men kein im makūtkūt ko jet, jiron̄ ro an Branch eo kein Karuo an Chennai rej katak bwe jerbal in jipan̄ ko reddik remaron̄ kepaakļo̧k RiLo̧mo̧r eo. Emaron̄ in bwe ro uwaan branch eo renaaj aitok aer kememej nee ko an nokin in jota eo an baam̧le kōnke elōn̄ raar bōk er im em̧ōj aer jino kōjerbali. Bōtaab men̄e nee ko rej juōn kein kakememej ilo jidik wōt iien, ej em̧m̧an barāinwōt.

“Jabdewōt emaron̄ kōm̧m̧ane nee ko aer make ak jaat ak baj jijet kōn juōn pinjeļ im peba im kōm̧m̧an karōk ko,” Daisy ej ba. “Jej jeļā bwe nokin in jota an baam̧le ej aorōk n̄an kajjojo, im kōm ar kōņaan jipan̄ kōm̧m̧ane bwe en waļo̧k.”

Jeje ko rekwojarjar rej Barāinwōt Jipan̄

Jejej ko rekwojarjar rej m̧ōttan eo eļap an nokin in jota an baam̧le barāinwōt—kajjitōk ippān likao ro an Branch eo Kein Karuo an Chennai. Ke raar ron̄ kōn eddōk in itoklimo in nokin in jota an baam̧le ilo branch eo aer, raar kālet n̄an kappok eoon ko me remaron̄, kōn tōl an ro jiner im jemāer, kar kōjerbali ilo katak ko. Errein rej jet iaan men ko rej elmo̧kōti:

Karthinkeyan Venkatesan, 18, ej ba Alma 32:21, 28 rej eoon ko rem̧m̧an n̄an juōn katak kōn tōmak. “Alma ej keidi naan ko an Anij n̄an juōn ine, eļap an pidodo n̄an kōnono kōn ine ko im ekōjkan aer eddōk,” ej ba. “Eoon in eaar jipan̄ eō kōļapļo̧k tōmak eo aō, kōn menin imaron̄ kwaļo̧k naan in kam̧ool kōn men in n̄an ro jet.”

Ļaddik eo jatin 16-an iiō, Meganathan, eaar elōkļo̧k n̄an Alam 36: 3, juōn eoon me ej katakin kōn lōke. “Alam ej ba bwe eļan̄n̄e kwōj likūt am̧ lōke ilo Anij, E enaaj jipan̄ eok,” Meganathan ej ba. “Jej aikuj likūt ad lōke ilo Jemed Ilan̄. Ejjeļok men eļap an kilep n̄an Anij; E emaron̄ jipan̄ eok kōn jabdewōt inepata.”

Daniel Stephen, 15 ej riit, 3 Nipai 18:20 im ej ba emaron̄ jerbal ilo juōn katak kōn jar. “Ij kōņaan eoon eo kōnke ej ba bwe jabdewōt men kwōj kajjitōk ippān Jemed, ilo etan Jisōs Kraist, ejim̧we, kwonaaj bōke. Jab kajjitōk kōn men ko renanan ak men ko rebwebwe; kajjitōk kōn men ko rem̧m̧an. Eļan̄n̄e kwōj ļoor Jetōb, bwe enaaj jipan̄ eok n̄an jeļā ta eo kwōn kajjitōke.”Būreejtōn an Doulul eo an Likao ro

Bharath Raj Ramesh Babu, 19, ej ba ekōņaan kōjerbal1 Nipai 19:9 ilo juōn katak kōn Jisōs Kraist. “Eoon in ej ba laļ in enaaj ekajete Kraist bwe ej men pata ak bwe E enaaj jouj im kijenmej n̄an er. E eaar kwaļo̧k iakwe n̄an aolep, jekdoon ta raar kōm̧m̧ane n̄an E, im bwe eaar katakin iō n̄an kōļapļok aō jouj.”

Ewōr, aaet, elōn̄ eoon ko me maron̄ kōjerbali āinwōt m̧ōttan juōn katak an nokin in jota an baam̧le. Kōnono kaki ippān baam̧le eo am̧. Eoon ta ko kwōj kōņaan kōjerbali?

Pija ko jān Richard M. Romney

Karthikeyan

Meganathan

Daniel

Bharath Rej