N̄AN DOULUL EO AN LIKAO RO kōn Jerā

Jen Būreejtōnji eo Eļap an Doulul eo an Likao ro

Ta in Jerā?

Jerā ej n̄e kwe im juōn jiroñ rej kūr juōn ak ro jet n̄an bōk koņaer im iiaio ippān ro jet ilo juōn m̧akūtkūt in ippān doon kar pepe kake.

Etke Jerā Ej Aorōk?

Jerā emaron̄ juōn en̄jake in ekkatak eo em̧m̧an ñan kwe im jiron̄ eo kwoj jerāik. Kwomaron̄ katak elap kōn kwe make, im kwomaroñ ejake meļeļe, kutaij, im nebar kōppalpal im aorok ledik ro nejin Anij.

Emmaroñ āinwōt juōn ial eo etōlok jen kiiō, ak mare ej juōn ian ļōmņak ko rej aurok ilo mour eo am. Ilo iiō in jodikdik kein am̧ rejjab iien ñan am kōm̧m̧ane jokālet ņe, ak jerā ilo jejjet enaaj jipañ eok pōjak ñan am̧ naaj kōm̧m̧ane jokālet eo n̄e ekkar. Jerā enaaj lewaj n̄an eok iien ko rem̧m̧an n̄an ejaake kapeel ko kōn m̧akūtkūt ippān armej me renaaj jipan̄ eo lōke im kōpaļpaļ n̄an jiron̄ ro kwoj jerāiki. Enaaj waļok am̧ jino meļeļe im an̄ōl n̄an ro kōn bōnjān ko im piktok ko me renaaj aorokn̄an kwe im juōn mōttam ñan indreo. Jerā ilo jejjet enaaj bar jipañ eok ilo erreo im kōpooj n̄an m̧are ilo tampeļ ñan iien im aolep indeeo ippān armij eo ejejjet ilo iien eo ejim̧we.

Aolepen men kein renaaj kōm̧m̧an bwe kwōn mōnōnō kōn jeram̧m̧an ko kōn mour : juōn mare eo elem̧ōņōņō im jeram̧m̧an.

Ta Jon̄ak ko n̄an Jerā ilo Jejjet?

Rikanaan ro an Anij raar kipel bwe kwōn jab iaea mae iien ej 16 iiō rūtto̧m. Ilo am̧ iaea, iaea ippāņ ro wōt kōn jon̄ok ko aer rōutiej im ro kwoj mōttāik kwom̧aron̄ dāpdop ilo jon̄ok ko am. Aolep iien bōk kwoņaam̧ ilo em̧makitkit ko an ro rellōn̄ eo ej kōtļo̧k kom̧ro iaea eo am dāpij kautiej-eokmake im pād epaake Jetōb eo an Irooj. Ej juōn menin aikuj elap tata bwe en erreoļōmņak ko im en̄jake koe. Bōbrae juōn kōtaan eo ijo ewōr ekōnono ak mute eo ej kaal menin jojoik. Bōbrae make iaam ippāņ iaea eo mōttam ak pād ilūk n̄an likon bon̄. Ej juōn amiro eddo ñan jippañ doon dāpij erro an priesthood eo im an erreo eo an kōrā ro im kōjparok doon ilo kautaij im mool. Kwōn iien otemjej jouj im kwaļok am kautaij jiroñ ro ilo iien am kajitok kōn er ak uwaak juōn iaea im ilo aolep aoleppen iien iminene ko in am iaea.

Ñe kwōj jino iaea, etal ippān juōn ak ruo pea in armij. Bōbrae dieojļok ippān ejja armej eo wōt emakijkij ak mōkaj inejake juōn kōta ebwil.

Kememej n̄an dāij jokkin wōt juōn ilo mour am n̄e kwoj iaea. En jab emakijkij am iaea bwe enaaj kakkure kōtaa ko an bam̧m̧le eo am, ak dāpij eok jān an kōm̧m̧an menin an jab em̧m̧an am katak ilo school ak ejaket kapeel ko ak taļōn ko. Lale bwe jinem̧ im jemam ren iion jiroñ eo kwōj iaeaik, im en em̧m̧an kōjāen ippier.

Jej kōkātak kom̧ n̄an bōk kwoņami ilo juōn makitkit in iaea ko em̧m̧an karkan lamwaan, em̧m̧an, dik wōn̄aan, im eo enaaj jipañ bwe en em̧m̧an am jeļā kajien jiroñ eo kwōj iaeaik.