Bwebwenato an Kabun̄ peļaakin Laļ in
Greece
Rigas Pofantis im Nicholas Malavetis rekar pukōt m̧ool ko an kabun̄ elōn̄ iiō ko ke rekar waļo̧k ilo juōn bwebwenato ilo nuuj peba ilo 1898 me ekar kōnono kake Mormon. Rekar itok limo im jeje n̄an opiij ko reļļap an Kabun̄ n̄an katak eļapļo̧k. Ritōl ro an Kabun̄ rekar karon̄ būreejtōn eo an Turkish Mijen n̄an loļo̧k im katakin rein ruo ilo Greece. Ilo 1903 Nicholas Malavetis ekar mij, ak ruo iiō ko tokālik, Rigas Profantis ekar bar juōn alen jeje n̄an opiij ko reļļap an Kabun̄ im kar kajjitōk n̄an peptaij. Ritōl ro an Kabun̄ rekar bar jilikinļo̧k n̄an Mijen Būreejtōn eo an Turkey, eo ekar peptaiji Būratōr Pofantis im ļalem ro jet, koba kōrā eo pāleen Nicholas Malavetis.
Mijinede ro kein kajuōn rekar itaaktok ilo Greece jiljilijino allōn̄ ālikin peptaij kein im̧aantata, ak jinoin tata ilo 1909, Kabun̄ in ekar kabōjrak jerbal in mijenede ijeņ enan̄in 70 iiō ko, waļo̧k jān m̧ōttan poktak an kien ilo eria in. Ilo juōn iien ekadu, kumi in ritariņae make ilo eria in ekar jino in kwaļo̧k gospel ippān armej in Greek. Kar, rumij wōt an eddōkļo̧k, ke Branch eo an Athens ekar bōk jikin iunit in Kabun̄ in an ritariņae ilo 1967, Kabun̄ in ej wōnm̧aanļo̧k kar kobaiki 80 ro uwaan ilo branch eo ak kar rualitōk wōt armej in Greek ro.
Ilo 1972 Eļtōr Gordon B. Hinckley(1910–2008), iien eo juōn uwaan Doulul eo an Jon̄oul Ruo Rijilōk ro, kar aje Greece n̄an kwaļo̧k naan in gospel ie. Jān iien ņe jejjo menin eddōkļo̧k ko rekar kōketak eddōkļo̧k eo an ro uwaan Kabun̄, ekoba jeje eo an juōn ukok eo an Bok in Mormon ilo Greek ilo 1987, ejaake eo an Greece Athen Mijen ilo 1990, im aje eo an m̧ōn jar eo jinoin tata ilo Greece ilo 1999.
|
Ro uwaan (2009) |
661 |
|
District ko |
1 |
|
Branch ko |
5 |
Ilo iiō ko m̧okta ļo̧k Mars Hill, jikin kwaļo̧k eo an Paul ilo Jerbal 17, ekar jikin eo n̄an kweilo̧k ko n̄an kwaļo̧k naan in kam̧ool ko, būrojāāk in jipan̄ ko, im jikin kam̧m̧oolol im kaļo̧k ko an armej in Greek ro rem̧m̧an.