En̄jake Jetōb eo an Tampeļ eo

Cristian Robles, Chile

Ke ikar kūr n̄an juōn uwaan kaunjeļ eo eutiej, stake būreejtōn eo eaar kwaļo̧k an kōņaan bwe en lōn̄ļo̧k ro uwaan rej etal n̄an tampeļ eo ilo raan ko kar jitōn̄i n̄an stake eo am. Iaļ in ito itak ekar juōn inepata, innām men eo jinoin tata ekar kōm̧m̧ane ekar karōke juōn wa baj n̄an ektak ro uwaan ilo aolep im̧ōn jar ko ilo stake eo im bar kōro̧o̧l kōm n̄e ejem̧ļo̧k raan eo.

Ekar bar wōr juōn inepata, kōn menin. Elōn̄ mama ro rekar jab maron̄ etal kōnke ejjeļo̧k juōn n̄an lale ajri ro nejier. Ilo am kar kōnono kake wāween eo n̄an bōktok jet iaan jiron̄ ro jān stake n̄an jipan̄ lale ajri ro, ikar kile bwe kōm maron̄ kar kūri ritōl eo an stake nursery ilo taļbo̧o̧n. Iaar jake m̧aanļo̧k ļōmņak eo n̄an stake būreejtōn eo. Ekar kwaļo̧k bwe kōm en kūri uwaan ro rekāāl n̄an jerbal āinwōt rijipan̄ ro n̄an ritōl eo an nursery bwe er ren maron̄ en̄jake jetōb eo an tampeļ eo. Ke ļōmņak kein rekar likūti ilo m̧akūtkūt, ekar em̧m̧an etal eo am n̄an tampeļ.