Sharing Time eo
Jisōs Kraist ekar Kōjepļaaktok Tarlep in Gospel eo kōn Joseph Smith
Ļōmņak juōn kilaaj eobrak kōn dān erreo, alikar. Eļan̄n̄e jej baam̧e kūlaaj eo, jet dān remaron̄ ipilpil ļo̧k jāne im kūlaaj eo eban maron̄ in bar booļ.
Ilo jinoin tarlep in gospel eo eaar pād ioon laļ in. Ilo elōn̄ iiō ko rikanaan ro raar katakin gospel eo.
Ke Jisōs Kraist eaar pād ioon laļ in, E eaar kajutak Kabun̄ eo An. E eaar katakin tarlepen gospel eo: tōmak ilo Jisōs Kraist, ukweļo̧k, peptaij kōn tulo̧k, menin letok eo an Jetōb Kwojarjar, im pokake kien ko. Jisōs eaar kwaļo̧k n̄an aolep armej ekōjkan ad maron̄ mour. E eaar erom̧ adwōj aolep RiLo̧mo̧r. Kilaaj eo an gospel eo eaar obrak.
Bōtaab ilo an iiō kar eļļā, m̧ōttan gospel eo rekar jako kōnke armej ro renana raar ukōte ak jab pokake. Tarlep in gospel eo eaar jab pād ioon laļ in. Jemed Ilan̄ eaar kalim̧m̧uri ajri ro Nejin E enaaj kar leļo̧k n̄an er tarlep in gospel eo bar juōn alen. E eaar kūr Joseph Smith n̄an jipan̄ E bar kōjepļaaktok tarlep in gospel eo.
Jon 3:13 ej katakin kōj bwe Jemed Ilan̄ eaar letok n̄an kōj Eo Nejin im gospel eo kōnke E ej iakwe ajri ro Nejin. E ej kūr rikanaan ro n̄an katakin aolep gospel eo An bwe jān maron̄ jeļā iaļ eo ļo̧k n̄a Ippān.
Jej jeram̧m̧an n̄an bōk tarlep in gosepl eo an ilo Kabun̄ eo an Jisōs Kraist im Armej ro Rekwojarjar ilo Raan Kein Āliktata. Kilaaj in gospel ko ad rej booļ lōn̄lōn̄, im Jemed Ilan̄ eaar kalim̧m̧ur bwe gospel eo ejjamin bar bōk jān laļ in.
Eprōļ 2010 Jōnōl in Jeje ko rekwojarjar
Riit laajrak in tōmak jiljilino ilo Pearl of Great Price.
Kakilōklōk laajrak in tōmak in.
Jar n̄an kajjitōk ippān Jemed Ilan̄ n̄an jipan̄ kwe jeļā bwe Jisōs Kraist eaar kōjepļaaktok tarlep in gospel eo kōn Joseph Smith.
Kālet juōn iaan m̧akūtkūt kein, ak kōm̧m̧ane eo am̧ make:
-
Jipan̄ jabdewōt katak laajrak in tōmak in.
-
Riit ak kōm̧m̧an bwe jabdewōt en riit n̄an kwe Joseph Smith—History ilo Pearl of Great Price.
-
Kōm̧m̧ane wiiļ in bwebwenato eo ilo peij 67. Mwijiti ruo wiiļ, im kōddāpi ippān juōn kan̄ūr jinibūrōrō. Kōjerbal wiiļ eo n̄an katakin jabdewōt ekōjkan an Jisōs Kraist kar kōjepļaaktok tarlep in gosepl eo kōn Joseph Smith.
-
Mijenede ro ad rej katakin m̧ool an gospel eo eaar bar jepļaaktok ilo aolepen laļ in. Jar kōn er. Jar n̄an jeļā wōn ro kwōj maron̄ karuwaineneik n̄an ron̄jake ennaan eo an mijenede ro.
Ekōjkan an kar ta eo kwar kōm̧m̧ane jipan̄ kwe meļeļe laajrak in tōmak jiljilino?
Jei ilo journal eo am̧ ak jin̄aik juōn pija kōn ta eo em̧ōj am̧ kar kōm̧m̧ane.
Jisōs Kraist ekar Kōjepļaaktok Tarlep in Gospel eo kōn Joseph Smith
Tuanmiin̄: Lo̧ļo̧k eo Kein Kajuōn, jān Gary L. Kapp, jab maron̄ in kapeik; lōn̄ anbwijmaron̄: kōmļeļe in © Vivid Details; tulaļ abwijmaron̄: Ukok eo an Joseph Smith in Bok in Mormon,, jān Del Parson, © IRI; pija ko jet jān Robert T. Barrett