Ļōmnak ko Kōn Nokin in Jota eo an Baam̧le

Peba in epād e bwebwenato im m̧akūtkūt ko me remaron̄ in jerb al n̄an iien Nokin in Jota an Baam̧le. Laajrak eo rej jet wanjon̄ok ko.

“Erom juōn Armej eo Ewōr Tokjen Kiiō,” p. 45: Kwaļo̧ki jejjo men ko (n̄an wanjon̄ok, juōn pinjeļ, Bok in Mormon, Liaona, pea in juuj), in karuweinene ro uwaan baam̧le n̄an karōki jen eo eaorōk tata n̄an eo edik tata an aorōk. Kōnono ewi wāween aer kālet jon̄ak ko. Ta ko ewōr tokjāer rej kōm̧m̧an bwe juōn mour an armej en aorōk? Rajan̄ kajjojo armej n̄an kōm̧m̧an juōn men ejeno̧ļo̧k ilo wiik eo ej pedotok n̄an erom juon armej eo ewōr tokjen.

“Jimarok in Jabōt,” p. 56: Kūrtok kajjojo uwaan baam̧le eo n̄an ļōmņak kōn juōn rutrier eo emaron̄ in kōjerbale juōn loļo̧k ak juōn m̧akūtkūt in jerbal in jipan̄. Karōk n̄an kōm̧m̧ane juōn men eo ilo wiik in n̄an armej en. Riiti Mosaia 18:7–10, im kōnono ewi wāween bwe jipan̄ ro jet ej juōn ial n̄an kōjparok bujen ko ar ilo iien peptaij.

“Eļan̄n̄e Dak ko Rejjab Ebbābe,” p. 58: Laajrak in jet iaan kien ko iloan baam̧le eo am, im kōnono ewi wāween aer kōjparok baam̧le eo am. Barāinwōt laajrak in kien ko an Jemedwōj Ilan̄, im kōnono ewi wāween aeer kōjparōk kōj ilo kanniōk ak ilo jetōb.

Nokin In Jota eo an Baam̧le Em̧ōņōņō

Jet iien ko remootļo̧k, ļeo ipp eaar kajjitōkin baam̧le eo n̄an kōpooj juōn nokin in jota an baam̧le eo eaorōk. Leddik eo nejum emen an iiō eaar kajjitōk bwe en al “Na Nejin Anij.” Ļaddik eo nejum 10 an iiō eaar kōppeļo̧k kōn jar. Kōm kar en̄jaake pād eo an Jetōb eo ekajoor im aiboojoj.

Ļeo ippa eaar kōnono kōn jet ļōmņak ko jen ritōl ro an Kabun̄ im rajan̄ kōm n̄an pād wōt ippān doon ilo gospel eo an Jisōs Kraist. Innām eaar lelok n̄an ledik eo nejum edik juōn kōjeraam̧m̧an an jemen. Jino im n̄a barāinwōt kar jar bōk kōjeraam̧m̧an ko, im āliktata laddik eo nejum. M̧okta jen likūt pein ioon bōran laddik eo nejum, leo ippa eaar kwaļok an kam̧oolol kōn priesthood eo im rejan̄ e bwe en erreo kōn kajoor in.

Juōn iiō jemettan tokālik, leddik eo nejum eaar ba, “Jen bar kōm̧man juōn nokin in jota an baam̧le āinwōt eo jar kōm̧m̧ane iien ko ļo̧k.” Jeļā ta meļeļe eo an, Iaar kajjitōkini wōt ewi iaer. Eaar uwaak, “Juōn eo me ekar ļap am jan̄ im kar m̧ōņōņō!”

Marlúcia Souza de Jesus Costa Bahia, Brazil

Nokin in Jota eo Em̧m̧an Tata Ippām̧

Jilkinļo̧k juon kōmļeļe kōn ami nokin in jota eo em̧m̧antata n̄an [e-mail].