Karōk ko rekāāl an Doulul eo an Kōrā ro n̄an Kōjeraam̧m̧an ro Uwaan
Julie B. Beck, būreejtōn eo eļap an Doulul eo an Kōrā ro, eaar kōjjeļāik karōk ko rekāāl n̄an kweiļo̧k ko an Doulul eo an Kōrā ro jiljiljino allōn̄ ko remotļo̧k ilo kweiļo̧k eo an Doulul eo an Kōrā ro, im tōbrak ko rej n̄an kōjeraam̧an mour ko an jejtōr ro ipeļaakin laļ in.
Eaar em̧m̧an uwaak ko n̄an bōke karōk ko rekāāl, Jejtōr Beck eaar ba, ilo an kwaļok ļo̧k n̄an ro uwaan ilo peļaakin laļ in bwe remaron̄ in pijjaik iien kweiļo̧k ko ekkar n̄an aikuj ko aer kajjojo, n̄an kōtļok eļap ļo̧k pidodo in m̧akūtkūt ilo juōn im̧ōn jar eo ejjab ātet n̄an manit ak jekjek ko ipeļaakin.
“Menin ej juōn bun̄tōn ejjejet n̄an juōn doulul in laļ in,” Jejtōr Beck eaar ba. “Kōmij iakwe jejtōr ro, kōmij lōke jejtōr ro, im kōm jeļā bwe eļan̄n̄e renaaj kōm̧m̧ane wāween in āinwōt ilo tōmak in pokake, rejamin wōr aer inepata kōn e.”
Jejtōr Beck eaar kwaļok, ilo ejjeļo̧k jon̄ak “Doulul eo an Kōrā ro: A Sacred Work” (Liaona, Nobōm̧ba. 2009, 110) ej aikuj jerbal āinwōt kien eo emālim ekkar n̄an kweiļo̧k ko , im ritōl ro an Doulul eo an Kōrā ro ippān kajjitōk ko kōn kein ko rej aikuj in kapilōk kaki ippān ritōl ro an priesthood ro.
Oktak ko Reļļap
Eaarkapilōk bwe rikapilōklōk ro an Doulul eo an Kōrā ro rej aikuj ļoore karōk eo an priesthood im kūr āinwōt rikapilōklōk eo kein kajuōn ak eo kein karuo. Kūr eo m̧okta kar jeļā kake āinwōt m̧weo, baam̧le, im ritōl eo n̄an kōkōm̧anm̧anļo̧k kōjmake ej aikuj in ņaetan rikōpooje kweiļo̧k eo an Doulul eo an Kōrā ro. Jejtōr eo ilo kūr in en aikuj wōnm̧aanļo̧k n̄an karōk kweiļo̧k ko an Doulul eo an Kōrā ro rej kōm̧m̧an ilo raan ko iloan juōn wiik ium̧in tōl an būreejtōnji eo.
Laajrak in tōl n̄an Kweiļo̧k ko an Doulul eo an Kōrā ro
Ilo kōnono eo an, Jejtōr Beck eaar kwaļo̧k wāween an kweiļo̧k ko m̧okta kar ņa etaer “kōkōm̧anm̧an ļo̧k im̧weo, baam̧le eo, im juōn make” naaj kiō pidodo ņaetaer kweiļo̧k ko an Doulul eo an Kōrā ro.
Jejtōr Beck eaar kōmļeļeik wāween an Būreejtōn eo an Doulul eo an Kōrā ro ilo ward lale aoleb kweiļo̧k ko an Doulul eo an Kōrā ro im bōk kapilōk ippān bisop ak branch Būreejtōn eo, eo ej kōmālim aoleb karōk in kweiļo̧k ko.
Būreejtōn eo an Doulul eo an Kōrā ro ej aikuj lale kweiļo̧k ko, ak emaron̄ kajjitok ippān rikapilōklōk eo kein kajuōn ak eo kein karuo—ak leļo̧k juōn jejtōr ilo ward ak branch eo n̄an bōk kūr—āinwōt rikōpooj kweiļo̧k ko. Dik tata juōn uwaan Būreejtōnji eo ej aikuj pād ilo aolep kweiļo̧k ko.
Kweiļo̧k ko ekkā rej aikuj bok jikier ilo aoleb allōn̄, ak diktata ilo kuata, ilo juōn iien eo ejeno̧lo̧k jen jotan Jabōt ak M̧ande. Bisop eo ak branch Būreejtōn eo im Būreejtōn eo an Doulul eo an Kōrā ro rej karōk jonan emakijkij in kweiļo̧k ko, im jejtōr ro rejjab aikuj kōm̧m̧an bwe ren en̄jake ke ej juōn menin aikuj n̄an pād ilo aolepen kweiļo̧k kein.
N̄e karōk kweiļo̧k ko, būreejtōnji eo an Doulul eo an Kōrā ro ej aikuj kile menin kōnono āinwōt jon̄ak iien eo aikuji, jon̄an wōnāān, kōjparok, im jon̄an ettoļo̧k in m̧akūtkūt.
Kweiļo̧k ko rej aikuj tōpar “charitable im practical responsilbilities” jen Doulul eo an Kōrā ro, kōļapļo̧k tōmak im jim̧we ko an juon make im lale aikuj ko an kajjojo armej im baam̧le ko ilo jetōb im ilo kanniōk.
Ilo karōki kweiļo̧k ko būreejtōnji eo an Doulul eo an Kōrā ro rej aikuj leļo̧k m̧oktata n̄an menin kōnono ko rej kakūrm̧ool jipadpad ko an Doulul eo an Kōrā ro; kweiļo̧k ko remaron̄ in pedped wōt ioon juōn menin kōnono ak jebel ļo̧k ilo elōn̄ ļo̧k jen juōn kūlaaj ak m̧akūtkūt. Rūkaki ro rej aikuj uwaan ward eo ak stake.
“Kojerbal kweiļo̧k ko an Doulul eo an Kōrā ro ilo jim̧we enaaj kōļapļo̧k maron̄ eo n̄an an Doulul eo an Kōrā ro n̄an jerbal ilo wāween ko rekajoor ippān ritōl ro an priesthood ilo kajjojo ward,” Jejtōr Beck eaar ba.