Tukaduin Enaan ko jen Laļ in

Būreejtōnji eo Ekāāl an Europe East Area Emoj Kōjjeļā Kake

Būreejtōnji eo Kein Kajuōn em̧ōj an kōjjeļāik juōn oktak ilo Būreejtōnji eo an Europe East Area, jinoe iien eo em̧ōkajtata. Eļtōr Kevin W. Pearson, Rikapilōklōk eo Kein Kajuōn ilo Eria Būreejtōnji, em̧ōj an emakūt n̄an jerbal ilo opiij ko reļļap an Kabun̄ ilo Ra eo an Mijenede. Eļtōr Wolfgang H. Paul enaaj wōnm̧aanļo̧k āinwot Būreejtōn n̄an eria eo, ippān Eļtōr Gregory A. Schwitzer jen Jiljiljuōnn̄oul āinwōt Rikapilōklōk eo Kein Kajuōn im Eļtōr Alexsandr N. Manzhos, Ra eo an Jiljiljuōnn̄oul, āinwōt Rikapilōklōk eo kein Karuo.

Jikin Tampeļ eo ilo Philadelphia Pennsylvania em̧ō Kālete

Ilo Nobōm̧ba 2009 Būreejtōnji eo Kein Kajuōn eaar kōjjeļāik bwe Tampeļ eo ilo Philadelphia Pennsylvania enaaj pād ilo 1739 Vine Street ilo downtown Philadelphia. Jikin eo ej epaake n̄an Vine Street Expressway eo im iturin Im̧ōn Ekajet eo im ej jujeltok jen Logan Square; juōn ebun̄bun̄ ilo Philadelphia. Būreejtōn Thomas S. Monson eaar kōjjeļā kōn tampeļ eo ilo Oktoba 2008. Ilo tore in ewōr 130 tampeļ ko rej jerbal peļaakin laļ in, koba ippān bar 21 ko em̧ōj kōjjeļā ak ko rej jinoe ekkal.

Iien Kar Kōjjeļā ko an Vancouver Temple

Iien peļļok eo anVancouver British Columbia Tampeļ enaaj bōk jikin jān Eprōļ 9 n̄an Eprōļ 24, 2010, ijjelo̧kin Jabōt ko, im juōn iien m̧ōņōņō ekkar n̄an manit enaaj bōk jikin ilo Māe 1 raan. Iien aje eo enaaj bōk jikin ilo jilu iien ko ilo Jabōt, Māe 2, ilo 9:00 jibbon̄., 12:00 rālep., im 3:00 ālik rālep. M̧ōttan ko jilu n̄an aje renaaj kadiwōjļo̧k ilo mejatoto n̄an aoleb iunit ko an Kabun̄ iloan district tampeļ eo. Tampeļ eo enaaj peļļo̧k n̄an jerbal ko raorōk ilo raan eo tok juōn.