Tōma eo Emeram ilo Tampeļ
Manila Philippines Tampeļ
Būreejtōn Gordon B. Hinckley (1910–2008) kar aje Manila Philippines Tampeļ ilo Jeptōm̧ba 1984. M̧ōkein jiljilino reaiboojoj im aitok ewōr tael dōkā remouj tulikier im ej jepooļ jen ni ko rem̧m̧an im menin ekkat ko rekōļarļar.
Kōppeļo̧k eo an tampeļ in ekar kōm̧m̧an jidik iien ālikin ļan̄ ko rekar kakkure Philippines. Men̄e ļan̄ ko, m̧akūtkūt ko rekar wōnm̧aanļo̧k wōt āinwōt kar karōke. Ilo Jeptōm̧ba 3, 1984, juōn kaloojoj n̄an aolep rutiej ro ekar kōm̧m̧an. Ilo kar raan eo tok juōn, ke tampeļ eo ekar peļļo̧k n̄an kaloojoj ko n̄an aolep armej, “kar juōn im̧ajaaj in eaiboojoj ekar waļo̧k ilo tampeļ eo,” Jovencio Ilagan ekar ba, rijeje eo eutiej an kamitii eo an tampeļ eo tōre eo eaar pād wōt ilo an ekkal. “Aļ eo, pād ilo an lukkuun meram, ekar waļo̧k jān juōn doulul in meram in kōļar ko reoktak..… Ilo juōn meļeļe, tawōr eo ioļapļap ippān ekjab eo an Enjeļ Moroni kar loe ilo ioļapļap in tōma doulul ko rej kapooļe juōn men. Enan̄in jibuki armej ro ilo pedped ko ilaļ an tampeļ eo rekar alooje. Elōn̄ iaer rekar jan̄.”1
Manila Philippinea Tampeļ ekar tempeļ eo kein kajuōn kalōke ilo Philippines. Jerbal in ekkal eo an tampeļ eo kein karuo an laļ eo ekar jino ilo2007 ilo bukwōn in Cebu.