Naan in Katak an KŌRĀ
Kappukōt im Ellolo M̧adenļok ko Ad Make
Katakin jeje kein rekwojarjar im ālijlij ko ak, eļan̄n̄e aikuj, bar juōn pedped in katak eo me enaaj kōjeraam̧m̧an jejtōr ro kwōj loļo̧k er. Kwaļo̧k am̧ naan in kam̧ool kōn katak eo. Karuwaineneik ro kwōj loļo̧k n̄an aer kwaļo̧k ta eo rej en̄jake im kar katak.
Ewi Wāween Aō Maron̄ Pukōt Aō Make M̧adenļo̧k?
“Jej kōpopo n̄an bōk ad make m̧adenļo̧k āinwōt an rikanaan ro kōm̧m̧ane, jān ekkatak kaki jeje ko rekwojarjar, jitlo̧k, jar, im kalōk tōmak. Tōmak ej kii eo. Kememej kōpopo eo an Joseph n̄an Ettōņak eo Kajuōn:
“‘A eļan̄n̄e jabdewōt iami ej aikuj mālōtlōt, en kajjitōk kōn e ippān Anij. …
“‘Ak en kajjitōk ilo tōmak, ejjeļo̧k pere.’”1
Eļtōr Robert D. Hales an Doulul eo an Jon̄oul Ruo Rijilōk ro.
“Jar ej am̧ make kii n̄an lan̄. Ļak eo ej pād turājet in ļin̄ōr eo.
“Ak men ņe ej jab aolepen in. N̄an Oliver eo ekar ļōmņak bwe m̧adenļo̧k enaaj itok ilo ejjeļo̧k kijejeto, Irooj ekar ba.
Bwe Oliver ekar jab meļeļe; ekar ļōmņak bwe Irooj eo enaaj kar leļo̧k maron̄ in, ke Oliver ekar jab bōk ļōmņak eo ijjelo̧kin n̄an kajjitōk ippān E.
Jej aikuj in katak kake jokālet ko ilo ļōmņak ko ad innām kajjitōk ippān Anij eļan̄n̄e kālet eo ad ejim̧we. Eļan̄n̄e ejim̧we enaaj kōm̧m̧an bwe lojeed en bwil iload im jenaaj en̄jake bwe kālet eo ad ejim̧we (lale D&C 9:7–8).’”2
Būreejtōn Boyd K. Packer, Būreejtōn eo an Doulul eo an Jon̄oul Ruo Rijilōk ro.
Ewi Wāween Aō Maron̄ in Ellolo Aō Make M̧adenļo̧k?
Ilo men in eļapļo̧k an allikar jekjek ko, m̧adenļo̧k ak im̧ōke rej itok jān meļeļein naan ko ak ļōmņak in kōnono ko n̄an ļōmņak eo (lale Enos 1:10; D&C 8:2–3, jān kōmeram eo ejjeļo̧k kōtmene kake (lale D&C 6:14–15, jān en̄jake ko renana im rem̧m̧an kōn kooj in m̧akūtkūt eo, ak jān jerbal ko rej im̧ōk, āinwōt ilo jerbal in jin̄n̄a ko. Āinwōt an Būreejtōn Boyd K. Packer,.… Būreejtōn eo an Doulul eo an Jon̄oul Ruo Rijilōk ro, kar kwaļo̧k, ‘Im̧ōk ej itok eļapļo̧k āinwōt juōn en̄jake im jān juōn ainikien.’”3
Eļtōr Dallin H. Oaks an Doulul eo an Jon̄oul Ruo Rijilōk ro.
“Tampeļ eo ej juōn im̧ōn ekkatak. Eļap wōt iaan kōmeļeļe eo katakin ilo tampeļ eo ej annan̄ im kar katak kake jān ippān Jetōb. Meļeļe bwe jej ekkatak jān ijo eutiej tata..… Ad meļeļe kōn meļeļein kain̄i ko im bujen ko renaaj ļap ļo̧k ilo ad rool n̄an tampeļ emakijkij ļo̧k kōn itok limo in katakin im kile m̧ool indeeo ej katak..… Jen m̧ōņōņō kōn kajoor eo ilo jetōb im m̧adenļo̧k eo jej bōke ilo ad etal n̄an tempeļ aolep iien.”4
Silvia H. Allred, rikakpilōklōk eo kein kajuōn ilo būreejtōnji eo eutiej an Doulul eo an Kōrā ro.
Pija eo ej kōmļeļeik jān Juan Pablo Aragon Armas