Kōm̧m̧an bwe M̧are ilo Tampeļ ej juōn Kōttōpar eo Im̧aantata
Vitaly im Ekaterina (Katya) Shmakov rekar ļotak ilo Omsk, Russia, im Yekaterinburg, Russia, ilo kōlaajrak ko kar kwalo̧ki. Jim̧or kar koba ļo̧k ippān Kabun̄ eo an Jisōs Kraist im armej ro rekwojarjar ilo raan kein aliktata ilo ien eo rar jodikdik wōt, im aoleper raar kōm̧m̧ani mission ko aer—Vitaly ilo Czech Prague mission eo im Katya ilo Russia Novosibirsk Mission eo. Rar ba bwe ri-katak ro rar kōbbeļok kōlmenlo̧kjen ko aer n̄an jabdrewōt wāween m̧ōņōņō ko,tōmak im leke, lale mour ko kajojo an armej, im bwe mijen ko aer rar kabin kōnan ko aer n̄an ejake gospel eo bwe en dilepen pedped ko an moko. En̄in ej bwebwenato eo aer.
Vitaly: Ke iar pād ilo m̧weo jen jikin mijin eo aō iumin jejjo allōn̄ ko, rar kajjitōk ippā bwe in juōn rikakpilōklōk n̄an juōn kweiļo̧k an jodikdik ro ilo jikin eo. Steven C. Smith, Mijen būreejtōn eo an Russia Novosibirsk mission, eaar kūrļok iō n̄an opij eo an. Iar reimanļok im kōtmene kōn juōn jerbal kāāl ak bomōl intōrbiu kōn jabdewōt men ko. Ijjelokin, Būreejtōn Smith eaar jiron̄ io kōn juōn eo im ekōnan bwe in ioone—juōn jiron̄ eo em̧m̧an drettan ej kab mōj an kadedeiklo̧k mijen eo an im jepļaaktok n̄an bar juōn bukōn ilo Russia ak enaaj itok n̄an jikin eo n̄an ien kweiļo̧k eo.
Ijjan̄in kar lo Katya moktaļo̧k, ak tokalik ke ij tōbarļo̧k jikin kweiļo̧k eo, iar kwaļok kajjitōk, im kōm ar bwebwenato iumin jidik ien. Tokālik ilo bon̄en eo iar kajjitōk ippān Katya n̄an an tuij ippā. Raan eo tok juōn iar bar kajjitōk ippān n̄an an bar tuij.
Katya: Eddōklok, Ijjab jeļā kajjien elōn ro rej kabjer maron̄ eo an priesthood ro remake iaer, ak ij kōjatdikdik bwe Irooj emaron̄ letok juōn likao eo erreo n̄an iō bwe in m̧areik. Ijjab jeļā naat ak ewi wāween amro naaj ioon doon, ak ij leke Iroij im kallimur ko an.
Alikin mijin eo aō, rar karwainene iō n̄an jipan̄ tōl im karōke kweiļo̧k an jodikdik ro. Ke iar lo Vitaly ilo iien kweiļo̧k eo, iar lukkuun ikrelrel in kōnan jeļā kajjien. Kōm kar joļo̧k jilu raan ko raiboojoj im pen meļo̧kļo̧ki ippāndoon ilo kweiļo̧k eo.
Iar en̄jake juōn unoojdikdik eo ekajoor ke Vitaly ekar em̧m̧aan eo ikar iten kar mareiki. Aet, ejjab aolep armej renaaj en̄jake kain wāween rōt in ilo ien eo em̧ōkaj in aer ippān doon. Innām ewi wawen ad jeļā ke jej etal ilo ial eo ejim̧we? Iar katak ilo mijin eo aō n̄an kile Jetōb im ļoori tōl eo an kōn ejjelo̧k pere. Innām ke ij en̄jake unoojdikdik ij aikuj bwe in jeļā kōn Vitaly,iaar lōmnak n̄an aō lori.
Ijeļā ke Jetōb enaaj tōl kōj woj kajojo eļan̄n̄e jenaaj pukōt jimjera eo An. Eaorōk bwe jen jab keidi ial ko ad n̄an ro jet—jetōb emaron̄ jab tōl kōj wōj kajojo ilo juōn wōt kain mānōr—ak eļan̄n̄e jenaaj ļoore Jetōb, jenaaj tōmak im lōke ke ial eo jej lore ejim̧we.
Anjo ioon menin Kappōjrak ko
Vitaly: Iumin jilu raan ko, iar kile ke emōj aō loe juōn eo em̧m̧an im ejonoloklok. Iar burom̧ōj ke ej jemļok kweiļo̧k eo im n̄a im Katya kōmro raikuj jenolokļok. Jeram̧m̧an bwe, enaaj wōr juōn kweiļo̧k an rim̧m̧an ded ro allōn̄ in laļ. Iar jino im reimaanļok n̄an ien eo.
Kweiļo̧k eo eaar lukkuun em̧m̧an āinwōt aō kar kōtmene. Katya im n̄a kōmro kar lukkuun kōnan jeļā kajjien doon. Ke ej jemlo̧k joteen eo, kōmro kar bōk nōmba in taļboon ko an doon im jepļaak n̄an jikin kōbbed ko ad.
Wiik eo tok juōn kōmro kar tōbar doon ilo telephone im ilo kōjerbal ennan ko. (Iar ļōmņak bwe ālikin juōn allōn̄ iar katak jeje ilo cell phone eo nejū em̧ōkaajļok jen an elōn̄ armej taip ilo lābtaap!)
Katya ej jokwe ilo Yekatering,eo im ej 11 awa ettolokin kōn train jen ijo im ij jokwe ie ilo Omsk, Siberia. Mekarta, kōmro kar lukkuun kōņaan bar lo doon. Kōm kar jino kōm̧m̧ane tūreep ko ilo aolep jemlokin kajjojo wiik. Ij maron̄ etal im lolok ie ilo juōn jemlokin wiik, im jet wiik tokālik, lio ej itok im lotok iō. Ke iar lolok Katya, iar jokwe ippān jet mōtta ilo bukon eo an, im elan̄e ej lotok iō, ej jokwe ippān jet mōttan ro rej bed ilo bukon eo aō. Emakijkij am kijon̄ jolok ien ko am ippān rein mōttam jen kabun̄ in ilo ien ko kōmij lolok doon.
Katya: Jon̄oul awa emaron̄ juōn ial eo eaitok, ak ilo Russia, ej lukkuun juōn ial ekadu! Kōn jon̄an ettolok eo, jerā ko am rekar jab ikutkut āinwōt kōm ar kōņaan. Kōm maron̄ ippān doon ilo kajjojo aolep wiik im jolok ruo ak jilu raan ippān doon m̧okta jen amro jepļaak n̄an mōko. Kōm ar en̄jake am aikuj elaplo̧k iien jen, im jebel lok jen doon elukkuun pen. Ak kōnke kōmij kōm̧m̧an ien ko rem̧m̧an n̄an am lo doon, kōmij kaurōk aolep minit ko kōmij juļoki ippān doon. Āinwōt an jimjerā eo amro eddōklo̧k, kōm ar reim̧aanļo̧k n̄an juōn iien amro jamin bar ba lo eok.
Jerā ko am rekar lukkuun kaitoktoklimo im ukoktak: kōm ar uwe ioon bajkōl ko im kidia ko, loļo̧k jikin kalojooj ko, riiti jeje ko rekwojarjar, kōmat ippān doon, etetal ilo paak ko (aaet kōm kar tuuj ippān juōn iaer), im ilo̧k n̄an im̧ōn orphanage ko n̄an jerbal im ikkure ippān ajri ro.
Aolep ien kōmij ioon doon, kōmij kōm̧m̧ane elōn men ko rekāāl, innām kōmij m̧ōņōņō. Iar kile im kauteij wāween an Vitaly ilo an kar peik jerā ko am. Makitkit ko eaar kōm̧m̧ani rar jiban kōm bwe kōmin lukkuun jeļā kajjien doon.
Vitaly: Kōnke iar juōn rijukuul wōt, iar jab maron̄ kabwe aolep men in kam̧ōņōņō ak kabwilōlon̄ ko. Iar jolok enan̄in aolepān jāān ko aō n̄an itoitak im lolok Katya im n̄an kōļļā wōnāān taļboon eo aō. Ak kōn an dik jāān ejjab melelein bwe jerā ko am rejjab kaitoktoklimo ak rejjab wōrtokjāer. Ilo m̧ool, jet iaan jerā ko am kōm ekar joļo̧k juōn jāān kōba.
Emaron̄ kōjak ilo ļōmņak kake, ak iar kōnan lale ewi wāween an Katya maron̄ emakitkit ipeļaakin ajri, kōn menin in kōm ar etal n̄an juōn imōn orphanages ak imōn ajri rōten ejjeļok jinen ak jemen. Im eaar wāween dein ilo aolepāņ ien bwebwenato ko am; kōm ar lukkuun kajjion̄ ekkatak kōn doon jon̄an wōt am maron̄.
Mour kōn Wāween eo an Irooj
Vitaly: Ilo Russia, āinwōt ilo jikin ko jet, ejjab em̧m̧an n̄e armej rej mour ippān doon m̧okta jen aer m̧are. Alikn aō kajjitōk ippān Katya bwe en mareik iō, elōn ro mōtta rar kajjitōk ippā ewi wāween aō naaj mareiki ilo aō jab jeļā eļan̄n̄e kōmro ej lukkuun ekkar n̄an doon. Rar kōnan jeļā,āinwōt ro mōttan Katya, ke wāween eo em̧m̧an tata n̄an aō jeļā eļan̄n̄e ej lio ejim̧we n̄an n̄a ej bwe in jokwe ippān iumin jidik ien.
Iar ba n̄an er ke kojjab aikuj in jokwe ippān juōn armej n̄an am jeļā kōn e. Iar barāinwōt kajjion̄ kōmleleik n̄an ro mōtta ilo juōn wāween eo me renaaj melele ke iar jar im im bōk juōn uwaak eo bwe ij aikuj m̧areiki Katya. Iar jar kōn jokālet eo aō, ejjelo̧k aō mijak kōn mour in pālele. Iar lukkuun lan̄lōn̄ im iar en̄jake an juōn mour ro ekāāl ej ļemļem imaan meja. Ejjeļo̧k juōn eaar jum̧ae ak kōnanaik eō kōn aō bōk wāween in. Ilo mo̧o̧l, rar jiban̄ iō kōn kālet eo aō.
Katya: Ke Vitaly eaar kōm̧m̧ane kajjitōk in an n̄an mare, jinō im jema rar kajjion̄ bōbraeik eō jen aō m̧are. Rar lōmnak bwe elukkuun m̧ōkaj n̄an amro mare im bwe iaikuj in jeļā kajjien Vitaly elaplo̧k jen aō jeļā kiiō. Booj eo aō ilo jikin jerbal eo eaar jiron̄ iō ejja wāween in wōt, “komij aikuj in jokwe ippān doon mokta jen ami kōm̧m̧ane kain kālōt rōt in.
Iar buromōj kōn am armej ļōmņak kōn m̧are im baam̧le ilo wāween in. Ejjelo̧k aō kōtmene ke rōmelele kōn wāween an ruo ripālele mōnonō eļan̄n̄e rej mare im liab ippān doon ilo tampeļ ko. Iakwe eo elap im mōnōnō Vitaly im n̄a kōmro kar en̄jake ilo ien mare eo amro eaar laplo̧k kōn jeļā eo ke kōmro kar liab n̄an indeeo.
Vitalty: Katya im n̄a kōmro ar mare ilo Omsk ilo Pāpode 25, 2006. (Kien ko an Russia rej kōm̧m̧ane mare ko ilo kien n̄an am liab ilo tampeļ, āinwōt ilo laļ ko jet.) Jibbon̄in raan eo juōn kōm ar ilo̧k ilo tūreep eo am n̄an tampeļ eo ilo Stockholm ilo Sweden. Kōm kar uwe ilo baluun eo ilo Omsk im kālo̧k jilu awa n̄an Moscow, ijo im kōm kar jolok aolepān raan eo ie. Innām kōm kar uwe ilo juōn tūrein ilo bon̄ eo n̄an Saints Petersburg. Ke kōm kar tōbar ijo kōm ar to jen baj eo ippān elōn̄ bar armej ro rekwojarjar ilo raan kein aliktata im iļok iumin ralito̧k awa n̄an Helsinki,Finland. Aliktata ilo tūreep eo am eaar 11-awa uwe ilo ferry n̄an Stockholm.
Āliktata, kōm kar tōbar tampeļ eo.
N̄an jet, kain tūreep rōt in me elukkuun aitok ej juōn wāween eo ebin, ak ilo elōn wāween ko,tūreep eo am n̄an Europe eaar kōm̧m̧ane juōn wāween Anim̧oon eo elap.
Raan eo kōm ar liab ie ej ilo, Maaj 1, 2006, eaar juōn raan eo em̧m̧an—juōn raan in inemmaan im jokne. Iar jeļā bwe armej eo iar jibwe pein ej armej eo inaaj bed ippān n̄an indeeo. Ļōmņak in eaar kobrak iō kōn elap lan̄lōn im kam̧oolol n̄an Jemed Ilan̄ n̄an an lōke eō kōn kōrā eo nejin n̄an an erom lio ippā. Iar lukkuun epaakelo̧k n̄an E elaplo̧k jen m̧okta.
Pukōt kadkadin mour ko āinwōt Kraist.
Katya: Kiiō Vitaly im n̄a ewōr juōn nejimro leddik. Leddik in elukkuun em̧m̧an. Ikon̄an bwe en kab mare ilo temple juōn raan, im jiban̄ eo em̧m̧antata kōm maron̄ lelok n̄ane ej erom mama im baba ak ro mōttan im elap iakwe ippāer.
Ij kōjatdikdik ke leddik in emaron̄ lo juōn eo im ej kabwijer maron̄ eo an priesthood eo elōn wāween ko an Kraist ippān. Āinwōt aō kar lo men kein ippān Vitaly ke eaar jiban̄ iō bwe in jeļā ke imarōn mareiki.
Ta eo eaar kōm̧m̧an bwe en wōr aō kōnan ippān Vitlay? Aet, ej juōn em̧m̧an eo eulio im emāletlet,im ejeļā wāween ak kilen ekajet kōra. Ak men kein rejjab unleplep eo. Ewōr ippān men eo im ikōnan ba “mej ko an juōn rijilōk an Kraist.” Iar en̄jake juōn meram ilo ie. E ej juōn eo ejim̧we im ej kabwijer maron̄ eo an priesthood.
Vitaly: Aet, elap an em̧m̧an n̄e kwoj mareiki juōn eo im ewōr am kōnan ippā. Ak ke ļōmņak ko ad rar pedped ioon kadkadin mour ilo ānwbin, jej joļo̧k men eo eaorōktata ilo kadkadin—kadkadid, mour in jetōb eo ad, im wāween ko jet me raorōk ilo mour in pālele eo n̄an indeeo.
Ij kile bwe emaron̄ juōn wāween eo n̄an an jet jodikdik ro pukōt leo ak lio me enaaj ippaer ilo kabun̄ in kōnke ejjab lōn̄ Armej ro Rekwojarjar ilo Raan kein Āliktata ijoko rej jokwe ie. Ij eliji ippāer. Mekarta, ijeļā ke jekroon ta eo im jej jelm̧ae rainin, elan̄e jenaaj kōm̧m̧ane men ko kun̄aad im kōboj kōj make n̄an ad liab ilo tampeļ, Jemed Ilan̄ emaron̄ pukōt juōn ial.