Kōjeram̧m̧an ko jen Mama Taamino

Victot D.Cave, Maakjin ko an kabun̄ in

Ke iar ioone Taumatagi Taamino, iar juōn mijinedede eo edrik jerbal ilo laļ eo aō make. Juōn lellap eo ejjelok ippān, jejjtōr Taamino eaar leto̧k pein eo emōjno im jen an kar lap an jerbal,ak aolep iien ej letok pein im iakwe iō im eo mōtta im ej mejenmaik kōmro, āinwōt ke ej manit eo ilo French Polynesia.

Jejjetōr Taamino eaar lukkuun mōjno, im an etetal erumij im eralo̧k, ak ej lale enan̄in aolep armej. E ej lukkuun lale elan̄e n̄a im eo mōtta ewōr nuknuk ko amro rerreo im emōj aer aeen. Ajro ro em̧m̧an ippāer n̄e rej drouloul ie lellap eo kōnke ej karwaineneik er im ej ron̄jake ta ko rej ba. E ej mour kōn juōn mour eo ebidodo ilo mweo ewōr ruo beet in eo ej kabool kōn bok, ni, baam̧le,im ro mōttad. Ilo kautiej wōt, aolep rej kūri “Mama Taamino.”

Mijen būreejtōn eo ilo Tahiti Papeete eaar jitōn̄ eo mōtta, Elder Tchan Fat, im n̄a n̄an jiban̄ kōpooj juōn kurup in armej ro rekwojarjar ilo raan kein āliktata eo 80 uwaan n̄an bōk menin letok kwojarjar ko aer im n̄an liab āinwōt baam̧le ilo tampeļ eo epaaktata—ilo Hamilton New Zealand, lalem awa ettolok in kōn baluun. Mama Taamino eaar etal n̄an tampeļ aolep lokin jilijno iiō iumin jilijino iiō ko, im ilo iiō in emaron̄ barāinwōt iļo̧k. Iar bwliōn kōn wāween am maron̄ kōllā wōnan tūreep in elap wōnan elan̄e wāween an mour ejjab lukkuun em̧m̧an. Jilijino iiō tokālik iar katak kōn uwaak eo.

Ilo 1976, āinwōt juōn būreejtōn ilo Papeete Tahiti Stake, emmakijkij aō kijon̄ karreoik imōn kweilo̧k ko. Juōn raan alikin raelep iar bōjraklo̧k ilo imōn jar eo ilo Tipaerui. Ilo iien eo, Eaar iakwe io ilo ejja wāween ko wōt “itok im m̧ōn̄ā,” ak iar uwaak, “mama Taamino, ejjab kwe juōn jodikdik kiiō, im n̄an m̧ōn̄ā in raelep men eo deo eo kwoj mōna ej jidik mōttan bilawā, im juōn kuwaat in jaatin̄, im juōn bato jidikdik in juice? Ejjab bwe am kōm̧m̧an n̄an wia elōn mōna ke?”

E ear uwaak, “iar kōjbarok jāān ko aō bwe in etal n̄an tampeļ.” Buruō ear makunlo̧k kōn nebar ilo wāween an kar lellap eo kōm̧m̧ane waanjon̄ok ko kōn iakwe im ujlepļo̧k. Mama Taamino ear etal n̄an tempel eo ilo New Zealand enan̄in 15 kōttan—aolep iiō mae iien eo tampeļ eo ilo Papeete Tahiti ear dedelo̧k ilo Oktōba ilo 1983. Ilo iien kōbbelo̧k eo E ear lan̄lōn̄.

Ilo 1995 eo, ilo iien in āinwōt juōn mijen būreejtōn, iar loe Mama Taamino bar juōn alen. E ear emmakit im ro̧o̧l n̄an aneo etan Makemo, ejjab etto̧lo̧k jen ijo ear lotak ie. Kiiō ke ej 80 an iiō,ejjab maron̄ in etetal, ak lo̧ktōktōk ko iturin mejen rej walok aenōm̧m̧an, kijenmej im elap melele ko mour im kōn gospel eo. An ettōn̄ ej em̧m̧an wōt, im mejen ej kwalo̧k an lukkuun erreo.

Jimarok in raan eo juōn iar loe an jijet ilo juōn ian imo̧n kwelo̧k ko ej kabin̄aln̄al im karreoiki. Juōn ian ļaddik ro nejin ear bōklok n̄an ijo. Ālikin an karreoik juōn jikin, E ej marōn kōjerbal peen im neen n̄an an make kōmakitlok ie n̄an bar juōn jikin. Wāween dein an kar wōnmaanlo̧k wōt im jerbal n̄an Irooj.

Ālikin raelepen eo ke iar kōm̧m̧ane iien intōrpiu an peba in mālim an tampeļ, Mama Taamino ear itok n̄an ijo ij jijōt ie iumin juōn wōjke iturin imo̧n jar eo. E ear kōnan bōk iien eo im n̄an an uwaake kajojo kajjitōk ko kōn ta ko jaikuj kōm̧m̧ani n̄an ad maron̄ bōk juōn peba in mālim an tampeļ.

“Būreejtōn, ijjab maron̄ in bar etal n̄an tampeļ eo,” Eaar ba. “Ilukkuun in ritto im nan̄inmej, ak ikōnaan bwe en wōr aō peba in mālim an tampeļ eo ekāāl ippā.”

Iar jeļā ewi jon̄an an kōnan bar etal n̄an tampeļ eo, im iar jeļā ke kōnaan in an ear etal n̄an ippān Anij. Ejjab to tokālik, e ear ilo̧k jen mour in n̄an an kobalo̧k ippān ro ritōmak im rar jerbal ilo mweo imōn Iroij. Ejjelok men en ear bōke ijjelokin wōt tōmak eo an, naan in kamo̧o̧l ko an, jouj, im an itok limoin n̄an jerbal.

Mama Taamino ear armej in Polynesia eo emool mokta eo me waanjon̄ok ko an rar kōjeram̧m̧an elōn mour ko an leddik im ļaddik ro jein im jatin—ekoba n̄a.

Men̄e ear 80 an iiō, jejtōr Taamino ear jerbal ilo imo̧n kwelo̧k, kabin̄aln̄al im karreoiki. Wāween dein an kar wōnmaanlo̧k im jerbal n̄an Iroij.