Kūr tok juōn waan aujpitōļ!

Simon Heal, Queensland, Australia

Ilo 1991 juōn iien iaar kōkāāl rā in tuļōn̄ in m̧weo imūm, iaar eñjaake an kar metak tuanmiiñ in meja. Metak eo, im ej āinwōt juōn naļ iloan, ejjab etto eaar tōlon̄e bōra. Iaar wōnm̧aan ļo̧k im jerbal mae iien eo metak eo ar kōm̧m̧an bwe in etal ñan ruum̧ in kiki eo ñan kakkije.

Ijoke, iien eo iaar babu, ainikien lur, mera ej likjerjere eō. “Jerkak” Jetōb ekar ba. “Kwōn jab kiki.”

Ilo aō kar kājōkļo̧kijeņ kōn kakkōl eo ta eo iaikuj kōm̧m̧ane, ikar ļōmņak in bōk juōn iaan uno in metak bar ko jinō eaar buktok. Iaar ilo̧k ñan ruum̧ eo an jinō im jema im kar loe uno ko, im ilo aō kar kōpeļļo̧ke bato eo, anikein jetōb ej bar ba ñan ña: “Kwōn jab ilim men kane.”

Ālkin iien eo, anikein eo eaar bar itok kajilu kattōn: “Kōj aikuj kūrri juōn waan aujbitōl— kiiō!”

Ijañin kar taļboone jerbal in idin ko juōn kōttan, ak iaar wōnm̧aanļo̧k im kar kūr. Juōn waan rinan̄inmej eaar itok, im ruo rijerbal in aujpitōl raar likūt eō ņa ioon jikin ebōk eo. Men eo āliktata ij keememej, ej kōn aer kar kajitok eta. Innām iaar jeekļo̧k.

Iļak ruj, ij pād ilowaan ruum in kakkije eo ilo aujpitōl eo. Ikar wōt mōjņo im pād wōt ilo aō jab en̄jake, ak ij kememej aō eñjake peiū ioon bōra ke jema im bisop eo aōraar letok juōn k) jeram̧m̧an. Iaar roñjake naan kein “Konaaj bar ro̧o̧l im ājmour, āinwōt n̄e ejjeļo̧k men en eaar waļok ñan kwe.”

Jilu raan tok ālik iloan ruum in do̧lool eo, im emān raan ko iloan wo̧o̧d in aujpitōl eo, ikar maroñ in kar ro̧o̧l ñan m̧weo im̧ō. Iien eo wōt iaar ke jeļā ke iaar jorrāān kōn bōtōktōk ilo kōmalij. Taktōōn mwijmwij eo eaar mwijit eō tok ālik kar ba ñan ña im ba mōttan wōt jidik bwe in kar pojak in mej, im bwe inaaj kar mej eļan̄n̄e in kar ilim uno in metak ko.

Ranin ikarbōb im ājmour, kam̧oolol Anij bwe ekar tōl ļōmņak ko aō raan eo. Emōj aō kar liābe ilo tampeļ eo n̄an kōrā dāeo̧eo eo pāleeō, im elōn̄ lalim nejūm̧ ajri ro rem̧m̧an.

Ij kam̧m̧oolol Anij Jemed Ilañ im RiLo̧mo̧o̧r, Jisōs Kraist, kōn menin jeram̧m̧an ko an mour in. Ij kakkōt aolep raan n̄an kōm̧m̧an bwe iieo eo Er rej letok ñan ña, im ij kammoolol kōn tōl in jipañ ko an Jetōb ñan ña.

Metak eo ilo tuanmiiñ in meja eaar etal im waļok ilo aolepen bōra. Ilo iien eo ikar babu, ainikien melak, dik kar lujur ña: “Jerkak. Kwōn jab kiki.”