E eaar kauteij kajjitōk eo aō

Juan Carlos Fallas Aguero, San Jose, Costa Rica.

Ilo iien eo iar peptaij ke ej 18 aō iiō,iar jeļā ke mour kōn gospel eo an Jisōs Kraist emaron̄ erom juōn wāween mour. Iar en̄jake aurōkin im men ko remo̧o̧l ilo ad mour im lori kien ko an gospel eo, im kōm̧m̧ani men kein eaar kōjeram̧m̧an mour ie aō ilo elōn̄ wāween ko.

Juōn ian kien ko an gospel me elukkuun aurōk n̄an n̄a ej kōjparok raan in Jabōt. Ej kōm̧m̧an bwe in bōjrak jen aolepān jerbal ko aō im likit aō lōmn̄ak ippān Jemed Ilan̄

Ij jerbal ilo juōn jerbal in kan̄kotan̄ ilo Costa Rica. Ilo jikin jerbal in, elukkuun koļmān n̄an armej bwe ren jerbal ilo raan in Jabōt. Ke iar jino jerbal, iar kwalo̧k iō make āinwōt juōn eo ej uwaan Kabun̄ in. Iaar kajjitōk—im ar letok n̄an eō—jab jerbal ilo raan in Jabōt.

Kōnke kajjitōk eo aō eaar oktak, rijerbal ro mōtta im booj eo aō rar bwilōn̄. Rar kajjitōk ippā kōn elōn̄ kajjitōk kōn tōmak eo aō. Elap iien n̄an aō kōmļeļeik n̄an er kōn jet iaan men ko me Armej ro Rekwojarjar ilo raan kein Āliktata rej tōmak kaki. Ilo wāween kōmļeļe ko aō kōn kien ko an gospel rar bōk utiej ko aer.

Juōn raan booj eo aō eaar kakobaik aolep ri-jerbal ro n̄an juōn kōjjeļā. “Ij aikuji aolep bwe ren itok im jerbal ilo wiik kein ruo laļ,” eaar ba. Iar buruōmōj Ijeļā bwe ej melelein bwe ij aikuj in itok im jerbal ilo raan in Jabōt.

Ak booj eo aō eaar wōnmaanļok wōt: “en̄in men eo, aolep ijjelokin wōt Carlos. Jejjeļā bwe ejjelok men en enaaj kōm̧m̧an bwe en itok im jerbal ilo raan in Jabōt.”

Iar rolo̧k. Booj eo aō eaar kautiej kajjitōk eo aō! Kōnke mwiliū eaar em̧m̧an im aolep men ko iar kōm̧m̧ani ilo jikin jerbal, iar kamōn̄ōnōiki. Āinwōt juōn jerbal em̧m̧an E eaar wōnmaanļok wōt im kautiej tōmak ko aō.

Ijeļā ke elan̄e jenaaj kōm̧m̧an bwe gospel eo en kōttōbar eo elaptata ilo mour ko ad, Irooj enaaj kōjeram̧m̧an kōj.

“Ij aikuji aolep bwe ren itok im jerbal ilo wiik kein ruo laļ,” booj eo aō eaar ba. Iar buruōmōj. Ijeļā bwe melelein ij aikuj itok im jerbal ilo raan in Jabōt.