Taļōn ko an Taylor

Heather Hall, Utah, USA

Komaron̄ ke jiron̄ io ta taļōn ko an Taylor n̄an aō maron̄ kwalo̧ki n̄an ro ilo kilaaj?” Rūkaki eo an ajri eo nejū ilo Piraimere ear kajitikin iō. Ewōr an kein kōnnan kōnke kilaaj eo an Taylor remaron̄ kōnnan kōn taļo̧n ko rej bōki jen Jemed Ilan̄.

Kōlmenlo̧kjen eo aō ear ejjelok kobban. Iar reiliklo̧k im lōmnak ko ralitōk iiō ko remootļo̧k, kajjion̄ wallōn̄tak kōn juōn uwaak. Ke Taylor ej emen raan rittoin ear bōk nan̄inmej in mij rājetin ānbwinin ak ban em̧m̧akūtkūt im jorāān in kōmālij im jab em̧m̧an wāween an m̧ōn̄ā. E ejjab maron̄ kōnnan, lolokjen ak jeļā bwebwenato. E ear jab em̧m̧anlo̧k iumin jilijno allōn̄ ko ilo jikin taktō eo an ajri. Ear jolok enanin aolep raan in mour ko an ilo wiil jea āinwōt am lale im kōjparoke im kōm̧m̧an bwe en em̧m̧an an mour.

Kōmij m̧ōņōņō eļan̄n̄e ej jeļā ettōn̄ ak jeļā idaak jen kab, im kōmij lan̄lōn ippān doon eļan̄n̄e ej maron̄ jeļā jutak im jino etetal. Ak jekdoon n̄e kōmij m̧ōņōņō itulik, ilowaa kōmij buruōmōj kōnke kōmij kile ke ilo an Taylor bōk jidik wōnmaanlo̧k āinwōt relukkuun aurōk n̄an an Taylor maron̄ kōm̧m̧ani. Wāween in ij tōmak ejjab men eo rūkaki eo ear kōnan ron̄.

Iar kōmanman ainikiō im uwaak, “Taylor ejjelok an taļōn eo me imaron̄ lōmnak kake.”

Jejtōr in ejouj ear jipan̄ jemjerā eo aō ippān ļaddik eo nejū kōn uwaak eo an.

“Āinwōt ke iar lōmnak kōn katak in, iar kile ke aolep ajri ro nejin Anij ewōr aer taļo̧n.” E ear ba. “Imaron̄ lōmnak ke taļōn eo an Taylor ej bwe ej katakin ro jet n̄an jerbal. Eļan̄n̄e enaaj em̧m̧an ippān,ikōn̄an kōnnan n̄an kilaaj in ad kōn wāween aō kar jeļā taļōn eo an Taylor ijin ilo imōn jar in. Iar lo an ajri ro jet ilo Piraimere katak kilen aer iuni wiiljea ko aer,kōbellok kōjem ko an ie, im aer jab mijak in kōmeraik dan in kōmjalal ko jen turin mejen kōn an̄kijeb elan̄e ej aikuji. Ij tōmak ke ej juōn kōjeram̧m̧an elap eo ear kōjeram̧m̧an mour ko an ro jet.”

Iaar alin̄ūrn̄ūr ilo aō errā, im im kōmij iak-iakwe doon. Iar bwilōn̄ eļan̄n̄e rūkaki eo an Piraimere ejalā ta eo inaaj kōm̧m̧ane bwe iien bwebwenato eo en wōnmaanlo̧k wōt ilo mour eo aō. Taylor ej bed wōt ilo wāween eo wōt. Lein ej kwaļok elap kilen kea. Hospitals, taktō ro,im taktō ro rej kainōm̧m̧an io rej bōk elap mōttan eo ilo mour eo ao. Ak ļōmņak in kōttōpar eo aō ear uktak, im iar jino im kile taļōn̄ eo an.

Ij lo wāween an armej ro ipeļaakid maron̄ kwaļoki mwilier ainwōr aer kwaļok aer kea kōn e. Ellōn̄ iien Ij loe an kakememej kōj bwe jen jidikjidik kōn m̧akūtkūt ko, im ļōmņak kōn aikuj ko an, im jen ļōmņak kōn er, lale aer m̧akūtkūt, im jen kijenmej.

Ijjab jeļā kōn ta unin Anij ar leļok bwe Taylor en ioon apan̄ kein, ak ij tōmak bwe rūkaki in Doulul eo an Piraimere eo an ar kōmļeļe kake. Ej pād ijin n̄an kwaļok taļōn ko an ñan kōj. Ej pād ijin ñan letok ñan kōj iien em̧m̧an n̄an katak wāween eo n̄an jerbal.

“Ewōr iien ij ļo an jet ajri bwilliļok wa eo waan Taylor, kappeļok kōjām ko ñan e, im jollok mijak ko aer make,” rūkaki in Piraimere eo an laddik en neju ej ba ñan ña.