Mga Magbabasa sa Magsin Makadawat sa Gi-update nga Booklet saTemplo

Mga magbabasa sa Liahona ug Ensign nga mga magasin makadawat sa gi-update nga booklet sa Mga Templo sa Ang Simbahan ni Jesukristo sa mga Santos sa Ulahing mga Adlaw hulip sa ilang regular nga mga isyu sa Oktubre.

Kini nga booklet usa ka gi-update nga bersyon sa usa ka gimantala nga dugay na nga giimprinta sulod sa kapin sa 50 ka tuig. Kini gisugdan isip usa ka isyu sa magasin sa Simbahan Improvement Era sa 1955. Sa kaulahian kini nahimo nga lain nga booklet nga sukad niana gi-update og kawalo ka mga higayon. Ang pinakabag-o nga bersyon maglakip og mga artikulo ug mga litrato ug imantala sa 45 ka mga pinulongan.

Ang mga propeta sa ulahing mga adlaw, lakip ni Presidente Thomas S. Monson, nagpadayon sa pag-awhag sa mga miyembro sa pagdawat sa ilang kaugalingon nga mga ordinansa sa templo ug dayon mobalik ngadto sa templo sa pagbuhat alang sa ilang mga katigulangan.

Ang booklet gituyo aron sa pagtudlo sa mga doktrina ug mga baruganan sa pagsimba diha sa templo. Ang mga miyembro sa Simbahan giawhag sa pagbaton og dili mominos og usa ka kopya diha sa ilang mga panimalay aron ang mga ginikanan makagamit sa mga booklet diha sa family home evening o sa uban nga mga higayon sa pagtudlo sa ilang mga pamilya mahitungod sa templo.

Ang tanan nga mga edad makakaplag og usa ka butang nga magamit diha sa booklet. Mga artikulo niini nga edisyon sa booklet naglakip sa “Mga Panalangin sa Templo,” ni Presidente Thomas S. Monson, ug “Prepare for the Blessings of the Temple,” ni Elder Russell M. Nelson sa Korum sa Napulog Duha ka mga Apostoles. Ang booklet naglangkub usab og usa ka artikulo alang sa kabatan-onan nga nag-ulohan og “Making the Temple a Part of Your Life,” ug ang mga kabataan makakat-on mahitungod sa mga templo gikan sa usa ka artikulo nga giulohan og “Your Path to the Temple.” Ang tanan nga mga magbabasa mahimuot sa pagpakli sa mga mugbo nga gisulat diha sa litrato sa mga templo sa tibuok kalibutan. Ang booklet naglangkub usab og mga tubag ngadto sa kasagaran nga mga pangutana aron sa pagtabang sa mga miyembro kinsa nag-andam sa pagtambong sa templo alang sa una nga higayon.

Ang mga miyembro giawhag sa pagpakigbahin niini nga booklet uban sa mga sakop sa ilang pamilya ug mga higala sa uban nga mga tinuohan. Dugang nga mga kopya sa booklet maanaa sa mga sentro sa tig-apud-apod sa Simbahan ug sa LDScatalog.com.

Ang mga presidente sa stake, mga bishop, ug mga magtutudlo sa klase sa temple preparation mahimo nga mopili sa paggamit niini nga mga materyal isip usa ka dugang nga kapanguhaan uban sa manwal sa Gitugahan gikan sa Kahitas-an sa magtutudlo ug ang booklet, Pagpangandam sa Pagsulod sa Balaan nga Templo.

Ingon nga angay, ang mga lider sa priesthood mahimong mohatag og booklet ngadto sa mga miyembro kinsa na-endowed na aron pagtabang kanila sa paghinumdom sa ilang kaugalingon nga mga kasinatian sa templo. Kini mahimo usab nga magamit sa pagtabang niadto nga mibalik ngadto sa kalihokan sa Simbahan kinsa nag-andam nga mabugkos diha sa templo.

“Kini nga booklet mahimo nga usa ka talagsaon nga kapanguhaan alang sa tanan nga mga miyembro,” miingon si Elder Yoshihiko Kikuchi sa Seventy. “Kini usa ka tabang ngadto sa paghinumdom sa sagrado nga kasinatian diha sa templo, ang may kalabutan nga mga pakigsaad ug mga panalangin ug ang tagsa-tagsa nga mga responsibilidad sa mga miyembro sa paghimo og kasaysayan sa pamilya aron sa pag-ila sa ilang mga katigulangan ug sa pagsangkap og mahinungdanon nga mga ordinansa sa templo alang kanila pinaagi sa aktibong pag-apil sa serbisyo sa templo.”

Sa Oktubre, ang mga magbabasa sa magasin modawat sa gi-update nga bersyon sa booklet sa templo.