Panahon sa Pagpakigbahin
Gipahiuli ni Jesukristo ang Kahingpitan sa Ebanghelyo pinaagi ni Joseph Smith
Paghunahuna og usa ka baso nga puno sa tin-aw, lunsay nga tubig. Kon atong ibangga ang baso, ang ubang tubig niini mayabo ug ang baso dili na puno sa tubig.
Sa sinugdanan ang kahingpitan sa ebanghelyo anaa sa kalibutan. Sulod sa daghang mga tuig ang mga propeta nagtudlo sa ebanghelyo.
Sa dihang si Jesukristo ania pa sa yuta, Siya mitukod sa Iyang Simbahan. Siya nagtudlo sa kahingpitan sa ebanghelyo: hugot nga pagtuo diha kang Jesukristo, paghinulsol, bunyag pinaagi sa pagpaunlod, ang gasa sa Espiritu Santo, ug pagkamasulundon ngadto sa mga sugo. Si Jesus mipakita sa tanang tawo kon unsaon gayud nato sa pagsunod. Siya nahimong Manluluwas kanatong tanan. Ang baso sa ebanghelyo puno.
Apan samtang milabay ang katuigan, pipila ka bahin sa ebanghelyo nawala tungod kay giusab kini sa dautang mga tawo o wala mosunod niini. Ang kahingpitan sa ebanghelyo wala na dinhi sa yuta. Ang Langitnong Amahan misaad ngadto sa Iyang mga anak nga Iyang ibalik pag-usab ang kahingpitan sa ebanghelyo. Siya mitawag kang Joseph Smith aron sa pagtabang Kaniya sa pagpahiuli sa kahingpitan sa ebanghelyo.
Ang Juan 3:16 nagtudlo kanato nga ang Langitnong Amahan mihatag kanato sa Iyang Anak ug ebanghelyo tungod kay Siya nahigugma sa Iyang mga anak. Siya nagtawag og mga propeta aron sa pagtudlo sa tanan sa Iyang ebanghelyo aron kita masayud sa dalan pabalik ngadto Kaniya.
Kita napanalanginan nga maangkon ang kahingpitan sa ebanghelyo diha sa Ang Simbahan ni Jesukristo sa mga Santos sa Ulahing mga Adlaw. Ang atong mga baso sa ebanghelyo puno gayud, ug ang Langitnong Amahan misaad nga ang ebanghelyo dili na gayud pagakuhaon sa yuta pag-usab.
Journal sa Kasulatan sa Abril 2010
Basaha ang ika-unom nga artikulo sa hugot nga pagtuo diha sa Perlas nga Labing Bililhon.
Memoryaha kining artikulo sa hugot nga pagtuo.
Pag-ampo aron sa paghangyo sa Langitnong Amahan sa pagtabang kaninyo aron masayud nga si Jesukristo mipahiuli sa kahingpitan sa ebanghelyo pinaagi ni Joseph Smith.
Pagpili og usa niini nga mga kalihokan, o paghimo og imong kaugalingon:
-
Tabangi ang ubang tawo nga makat-on niining artikulo sa hugot nga pagtuo.
-
Basaha o ipabasa sa laing tawo diha kaninyo ang Joseph Smith—Kasaysayan diha sa Perlas nga Labing Bililhon.
-
Himoa ang roleta sa istorya [story wheel] diha sa pahina 67. Guntinga ang duha ka mga roleta, ug itaput kini gamit ang bronse nga pangtaput [brass fastener] nga magtukod diha sa tunga. Gamita ang roleta sa pagtudlo og usa ka tawo giunsa ni Jesukristo pagpahiuli sa kahingpitan sa ebanghelyo pinaagi ni Joseph Smith.
-
Ang atong mga misyonaryo nagtudlo sa mga kamatuoran sa gipahiuli nga ebanghelyo sa tibuok kalibutan. Pag-ampo alang kanila. Pag-ampo aron masayud kon si kinsa ang inyong madapit sa pagpaminaw sa mensahe sa mga misyonaryo.
Sa unsang paagi nga ang inyong gibuhat nakatabang kaninyo nga masabtan ang ikaunom nga artikulo sa hugot nga pagtuo?
Isulat sa inyong journal o pagdrowing og litrato mahitungod sa inyong nahimo.
Gipahiuli ni Jesukristo ang Kahingpitan sa Ebanghelyo pinaagi ni Joseph Smith
Sa wala: Ang Unang Panan-awon, ni Gary L. Kapp, dili mahimong pakopyahan; ibabaw sa tuo: paghulagway © Vivid Details; ubos sa tuo: Si Joseph Smith Naghubad sa Basahon ni Mormon, ni Del Parson, © IRI; ang uban pang mga paghulagway pinaagi ni Robert T. Barrett