Gagmay ug Yano nga mga Butang

2010

Abril 2010

Gagmay ug Yano nga mga Butang

“Pinaagi sa gagmay ug yano nga mga butang ang mga dagko nga butang ipahinabo” (Alma 37:6).

Apila ang Tanan sa Family Home Evening

Dapita ang matag sakop sa pamilya sa pagbuhat og assignment.
Pagmainampoon sa pagplano og mga leksyon ug mga kalihokan nga maapil ang tibuok pamilya.
Ipaambit sa mga bata unsa ang ilang nakat-unan sa Primary. Tingali usa kini ka kanta, usa ka kasulatan, o usa ka dula aron sa pagkat-on og usa ka baruganan sa ebanghelyo.
Hangyoa ang mga sakop sa pamilya sa pagsugyot og mga hilisgutan alang sa umaabut nga mga leksyon. Paghimo og listahan; dayon pangita og paagi nga matudlo ang mga hilisgutan inig abut sa panahon.
Ayaw pugsa ang mga sakop sa pamilya sa pagpaapil. Paningkamuti ang paghimo og usa ka makadani nga palibut diin ang mga hunahuna ug mga ideya mapaambit.

Sa umaabut nga mga isyu, tan-awa ang mga ideya alang sa family home evening alang sa mga dili minyo nga mga miyembro ug alang sa mga pamilya nga walay mga anak.

Gidaghanon sa mga Templo

130: na ka templo ang gigamit.
: ka mga templo ang gipahibalo na o gitukod pa.
1: siyudad sa kalibutan nga adunay duha ka templo sulod sa mga utlanan niini, South Jordan, Utah. “Tingali makapangutana kamo nganong among gipaboran pag-ayo ang Utah. Kini tungod kay ang kadaghanan sa kalihokan nagkinahanglan niini,”¹ Si Presidente Gordon B. Hinckley miingon sa dihang gipahibalo niya ang Templo sa Oquirrh Mountain Utah niadtong Oktubre 2005, ang ikaupat nga templo sa Salt Lake Valley.
34: ka templo ang gipahinungod niadtong 2000, ang pinakadaghang napahinugod sulod lang sa usa ka tuig.
85: mga pagpahinungod sa templo nga gipahigayon ni Presidente Hinckley sa tibuok niyang kinabuhi, pinakadaghan nga nahimo kay ni bisan kinsang mga Apostol niini nga dispensasyon. Si Presidente Hinckley mipahigayon usab og 10 ka gipahinungod og usab nga mga templo.
685,000: gidaghanon sa mga tawo nga mitambong sa open house sa Draper Utah Temple. Ang templo gipahinungod niadtong Marso 2009.
6,800: ka pye kwadrado (682 ka metro kwadrado) sa Colonia Juárez Chihuahua Mexico Temple, ang pinakagamay nga templo sa Simbahan.
331,032: pye kwadrado (30,754 metro kwadrado) sa Templo sa Salt Lake, pinakadako nga templo sa Simbahan.
169: ka mga stake ug mga district ang nasakop sa Manila Philippines Temple District, nga nag-alagad og daghang ward ug mga branch kay sa ubang temple district sa Simbahan.

Ibabaw sa wala: paghulagway sa Manila Philippines Temple pinaagi ni Robert T. Barrett; ubos sa wala: gilitratohan ni Matthew Reier; sa tuo: litrato © Corbis

Gikan sa ibabaw: paghulagway sa litrato pinaagi ni Christina Smith; litrato © Deseret Morning News; paghulagway sa litrato pinaagi ni Robert Casey