Ang Pagsulod sa usa ka Matahum nga Dapit

Joanna Velayo-Munda, Philippines

Sa wala pa ako mamiyembro sa Simbahan, nagpuyo ako duol sa Manila Philippines Temple. Sa matag higayon nga molabay ako niini, matingala ako sa kahalangdon sa matahum nga edipisyo. Dili gayud nako makita ang pangalan sa Simbahan, apan aduna akoy pagbati nga gustong mosulod niana nga dapit.

Mga tuig ang milabay miadto ako sa Hawaii, diin didto akong nahimamat ang mga misyonaryo ug nabunyagan. Sa dihang mipauli ako sa Manila, nasurprisa ako nga nakahibalo nga ang building nga gipangandoy nakong masudlan mao ang dapit nga mahimo nakong sudlan kon ako takus. Naghingapin ang akong kalipay.

Sa dihang misulod ako sa templo, akong gibati nga ako mas duol sa langit. Ang tanan matahum, daw langit. Akong gibati nga napanalanginan kaayo sa kahigayunan nga makasulod sa templo.