Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit alang sa family home evening. Ang mosunod mao ang pipila ka mga ehemplo:

“Pagkahimong usa ka Maayo Kaayo nga Tawo Karon,” p. 45: Pagpakita og daghan nga mga aytem (sama pananglit, usa ka lapis, Basahon ni Mormon, Liahona, paris nga sapatos), ug dapita ang mga sakop sa pamilya sa paghan-ay kanila gikan sa labing importante ngadto sa labing dili importante. Hisguti kon giunsa nila pagpili ang mga paghan-ay. Unsa nga mga kalidad ang naghimo sa kinabuhi sa tawo nga importante? Awhaga ang matag tawo sa pagbuhat og usa ka piho nga butang sa moabut nga semana aron mahimo nga mas maayo nga tawo.

“Sayo sa Dominggo sa Buntag,” p. 56: Dapita ang matag miyembro sa pamilya sa paghunahuna og usa ka silingan nga mabisitahan o maserbisyohan. Pagplano sa pagbuhat og usa ka butang niini nga semana alang niana nga tawo. Basaha angMosiah 18:7–10, ug hisguti kon sa unsa nga paagi ang pagtabang sa uban usa ka paagi sa paghupot sa atong pakigsaad sa bunyag.

“Kon ang mga Itik Dili Molutaw,” p. 58: Paglista og pipila ka mga balaod sa pamilya, ug hisguti kon giunsa niini pagpanalipod sa inyong pamilya. Paglista usab og pipila ka mga sugo sa Langitnong Amahan, ug hisguti kon giunsa niini pagpanalipod kanato sa pisikal ug espirituhanon nga paagi.

Ang Malipayon nga Family Home Evening

Daghan nga mga tuig ang milabay, mihangyo ang akong bana sa among pamilya sa pag-andam alang sa usa ka espesyal nga family home evening. Ang among kwatro anyos nga anak nga babaye mihangyo nga moawit sa “Anak Ako sa Dios.” Ang among diyes anyos nga anak nga lalaki namulong sa pambukas nga pag-ampo. Gibati namo ang kusog ug katingalahang presensya sa Espiritu.

Nakigbahin ang akong bana og diyutay nga mga hunahuna gikan sa mga lider sa Simbahan ug miawhag kanamo sa pagpabilin nga managhiusa diha sa ebanghelyo ni Jesukristo. Mihatag dayon siya sa among gamay nga anak nga babaye og usa ka panalangin sa amahan. Ang akong inahan ug ako gihatagan usab og mga panalangin, ug ang katapusan mao ang among anak nga lalaki. Sa wala pa niya ibutang ang iyang mga kamot diha sa ulo sa among anak nga lalaki, misulti ang akong bana sa iyang pasalamat alang sa priesthood ug miawhag kaniya nga mahimong takus niini nga awtoridad.

Hapit usa ka tuig ug tunga ang milabay, misulti ang among anak nga babaye, “Maghimo ta og lain nga family home evening sama sa atong gibuhat niadtong usa ka higayon.” Nasayud unsa ang iyang gipasabut, sa gihapon gipangutana ko siya hain niadto. Mitubag siya, “Kadto nga mihilak ta og maayo ug malipayon kaayo!”

Marlúcia Souza de Jesus Costa, Bahia, Brazil

Ang Inyong Paborito nga Home Evening

Pagpadala og usa ka (deskripsyon) paghulagway sa inyong paborito nga family home evening ngadto sa [e-mail].