Ang mga Kasulatan Mao ang Akong Kalig-on

Giccelly D., Venezuela

Sa dihang nagsugod ako sa seminary isip usa ka bag-o nga miyembro sa Simbahan, wala ako maghunahuna nga ang mga kasulatan mahimo nakong angkla, akong taming ug proteksyon, akong kahupay ug hingpit nga kalipay. Pinaagi sa mga kasulatan akong nailhan ang maisug nga mga tawo sa Dios kinsa nakigbatok sa ilang mga pagtuo ug sa ilang mga pamilya ug kinsa kanunay nagdas-das ngadto sa unahan, malig-on ug makanunayon diha kang Kristo. Sila mapainubsanon, mapailubon, ug puno sa gugma, gugma nga putli, ug hugot nga pagtuo. Nasayud ako nga sila adunay tinguha sa ilang mga kasingkasing alang kanato sa atong panahon sa pagsunod sa matag baruganan diha sa mga kasulatan.

Ang tanang mga bayani sa kasulatan nakatandog ngari kanako, apan ang labing nindot sa tanan alang kanako mao kadtong mapainubsanon ug masulundon gikan sa pagkabata, kadtong nahimong hingpit nga ehemplo, kadtong ang tanang katawhan utangan og dako. Kana nga tawo mao si Jesukristo. Ako walay mga pulong aron sa pagpadayag sa akong pasalamat ngadto Kaniya.

Ang seminary nagtudlo kanako nga ang mga kasulatan dili lamang memoryahon apan gamiton sa atong mga kinabuhi. Ako mapasalamaton sa tanan nakong buotan nga mga magtutudlo, kinsa tinud-anay nga mga instrumento diha sa kamot sa Ginoo.