Talafaasolopito o le Ekalesia i le Lalolagi

Hanikeri

E ui ina sa taunuu le uluai faifeautalai o le Au Paia o Aso e Gata Ai i Hanikeri i le tausaga 1855, ae na laitiiti sona faamanuiaina ma na toe alu ese ina ua mavae pe a ma le tolu masina. O le uluai tagata Hanikeri na liliu mai i le Ekalesia o, Mischa Markow, lea na papatisoina i Konesitatinopa i le tausaga 1887. Na sosoo ai ma lona auauna atu i se misiona i Europa, ae na mulimuli ane tuliesea mai Belgrade ma sosoo ai ma Hanikeri o le atunuu ona o lana talaiga.

Mo le tele o tausaga na faatapulaaina ai e tulaga faapolokiki a Hanikeri le galuega faafaifeautalai iina. O le tulaga lauiloa o le Ekalesia i le vaitaimi o le vaitausaga o le 1980, na mafua ai ona sailiili i ai le toatele o tagata Hanikeri, ma i le faaiuga o le 1986, na malilie ai le au mau tofi o le malo o Hanikeri e faataga ona ulufale atu faifeautalai i le atunuu.

Mai i lena taimi, na matua faamanuiaina taumafaiga faafaifeautalai. Na lolomiina le Tusi a Mamona i le faaHanikeri i le 1991, ma na fausia le uluai siteki i le 2006.

O Le Ekalesia i Hanikeri
Tagata auai	4,594
Misiona	1
Siteki	1
Itu	2
Uarota ma Paranesi	21

O le Maota o le Palemene a Hanikeri, na faamaeaina i le tausaga 1904, o loo i luga o auvai o le Vaitafe o Danube i Budapest.