Aumaia o le Peraimeri i le Fale
E Fetalai mai le Tama Faalelagi ia i Tatou e ala mai i Ana Perofeta
“O le mea ua fai atu ai au le Alii, ua ou fai atu ai lava; … pe fai atu i lo’u lava leo po o le leo o a’u auauna, ua tusa lava ia” (MFF 1:38).
E mafai ona e faaaogaina lenei lesona ma le gaoioiga e aoao atili ai e uiga i le autu o le Peraimeri i lenei masina.
Afai e te manaomia ona talosagaina se tasi e tuuina atu se savali taua i tagata e te alofa i ai, o le a le ituaiga o tagata e te talosagaina? Atonu o le a e filifilia se tasi e faamaoni, faamoemoeina, ma faatuatuaina.
E tuuina mai e le Tama Faalelagi Ana savali i Ana fanau i le lalolagi e auala mai i perofeta. E Na te silafia e faamaoni, faamoemoeina, faatuatuaina, ma amiotonu Ana perofeta.
I totonu o tusitusiga paia tatou te faitau ai i tusitusiga a le tele o perofeta o e na tusia savali musuia na tuuina mai e le Tama Faalelagi i Ana fanau. Ia tatou aoao e uiga i nisi o tusitusiga a perofeta i totonu o tusitusiga paia.
Na auina atu e Malaki i tagata le savali a le Alii e uiga i le totogiina o sefuluai ma taulaga (tagai i leMalaki 3:8–10).
Na tuua e Alema le Itiiti lona tofiga o se faamasino sili ina ia avea o se faifeautalai i le nuu (tagai i leAlema 4:15–20). Na ia faasoaina atu le savali a le Atua i le toatele o tagata.
Na tuuina mai e Moronae le savali a le Tama Faalelagi ia i tatou uma lava ina ua ia tuuina mai lenei folafolaga e uiga i le faitauina o le Tusi a Mamona: “Pe a maua e outou nei mea, ou te apoapoai atu ia te outou, ia outou ole atu i le Atua, le Tama Faavavau, i le suafa o Iesu Keriso, pe le moni ea nei mea; afai tou te ole atu ai ma le loto faamaoni, ma le manatu tonu i ai, ma le faatuatua ia Keriso, na te faaalia le tonu i ai ia te outou i le mana o le Agaga Paia” (Moronae 10:4).
Na tuuina atu ia Iosefa Samita se savali faapitoa mai le Tama Faalelagi ma Iesu Keriso (tagai i leTalafaasolopito a—Iosefa Samita 2:11–20). Na faaaluina le olaga o Iosefa Samita e folafola atu ai lena savali i tagata uma.
Ua faamanuiaina i tatou i le i ai o se perofeta i le taimi nei. Ua mafai ona tatou faalogo i savali mai le Tama Faalelagi a o tatou faalogo atu i le perofeta.
Gaoioiga
Oti ese fasi pepa o i ai ata o le Au Peresitene Sili ma le Korama a Aposetolo e Toasefululua. Faapipii pito o fasi pepa i le amataga o le isi [fasi pepa]. Gagau le pepa i tua ma luma i luga o laina e fai ai se tamaitusi.
I le faaaogaina o le lisi o loo i lalo, tusi le igoa o le Au Pulega Aoao i lalo o lona ata. Faalogo ia latou lauga i konafesi aoao ma faaaoga le tamaitusi e tusi ai ni faamatalaga. Faamatala ou manatu e uiga i konafesi aoao i le taimi o se ‘aiga a le aiga po o se afiafi faaleaiga.
Thomas S. Monson
Henry B. Eyring
Dieter F. Uchtdorf
Boyd K. Packer
L. Tom Perry
Russell M. Nelson
Dallin H. Oaks
M. Russell Ballard
Richard G. Scott
Robert D. Hales
Jeffrey R. Holland
David A. Bednar
Quentin L. Cook
D. Todd Christofferson
Neil L. Andersen
Faamatalaga o Konafesi Aoao
Ata na tusia e James Johnson