Faamatalaga
Fiafia i Savali o loo i Pepa Lautele
E manaia lava i taimi uma le Liahona! Aua e valaaulia ai i tatou e fai ni saofaga i le tele o itu, e sili atu ona ou fesootai i ai ma lagona atili lo’u avea ma sona vaega. Ou te fiafia lava i savali o loo i pepa lautele. Ou te faavaaina ma tautau i lo’u ofisa. Faafetai lava mo a outou taumafaiga uma.
Peta Viola Reti Esipino, Mekisiko
E Faatoateleina Pea Tagata o le Ekalesia
O i matou, o tagata o le Paranesi a Abuakwa, i Ghana, sa matou faamanatuina talu ai nei le tasi tausaga o le matou paranesi. Sa matou amata i le 50 o e na auai i le sauniga faamanatuga, ae o lenei ua 128 le auai. Matou te alolofa i o matou taitai. Matou te faitau ma suesue i le Liahona, matou te faatauina mai ni kopi faaopoopo mo tagata liliu mai ma isi e le o i ai ni a latou kopi, ma o loo faaauau pea ona faatoateleina tagata e auai mai i aso uma. Ua matou iloa e moni le Tusi a Mamona.
Christopher Pidoal, Ghana
O Se Taula i se Vasa Sousou
E ese lo’u faafetai i le i ai o le Liahona i lo’u fale! O se punavai o le malosi. I se tasi aso ina ua lolofi mai ni manatu le mama i lo’u mafaufau, sa ou faatofuina a’u lava i le faitauina o le Liahona, ma sa faapea ona o ese ai na manatu mai ia te a’u. Sa fesoasoani le Liahona e faamama ou mafaufauga ma avea o se taula mo le saogalemu i se vasa sousou.
Victorino F. Dela Cruz Jr., Filipaina