Pe talafeagai le valaauinao taitai o le Ekalesia i o latou igoa muamua?

O nisi taimi tatou te latalata tele ai i o tatou taitai ua faaosoosoina ai le avea o a tatou fegalegaleaiga o se masaniga faasamasamanoa ma i latou. E ui e lelei le faauo atu, ae e taua foi le faaali o le faaaloalo e tatau ai ia i latou ma o latou valaauga. I le Ekalesia o se tu masani le faatatau lea i tagata matutua o se “Uso” po o se “Tuafafine,” o se faafeiloaiga e faaalia uma ai le faaaloalo ma faamanatu mai ai ia i tatou o i tatou o fanau a le Tama Faalelagi. O isi faalagilagiga talafeagai, e pei o le susuga, epikopo, po o le peresitene, ua faaaogaina foi o se faailoga o le faaaloalo. Ua faatuina foi e faifeautalai faamisiona se faataitaiga lelei o lenei mea i le faatatau lea o le tasi i le isi o se “Uso” po o se “Tuafafine.”

E taua le faaaloalogia o o tatou taitai faaleEkalesia ma manatua e ui lava o i latou o a tatou uo, ae i se faatulagaga faale-Ekalesia e tatau ona tatou faamamaluina o latou valaauga ma faaalia le faaaloalo i le faatatau ia i latou o se “Uso” po o se “Tuafafine.”