2011
O Le A Le Lelei o Lou Iloa o O Tatou Taitai Faale-Ekalesia?
Mati 2011

O Le A Le Lelei o Lou Iloa o O Tatou Taitai Faale-Ekalesia?

O le masina fou le konafesi aoao, ma o le toatele o failauga o sui o le Au Peresitene Sili ma le Korama a Aposetolo e Toasefululua. Vaai pe mafai ona e faafetauia o latou suafa ma mea na tutupu po o isi faamatalaga mai o latou soifuaga.

  1. Peresitene Thomas S. Monson

  2. Peresitene Henry B. Eyring

  3. Peresitene Dieter F. Uchtdorf

  4. Peresitene Boyd K. Packer

  5. Elder L. Tom Perry

  6. Elder Russell M. Nelson

  7. Elder Dallin H. Oaks

  8. Elder M. Russell Ballard

  9. Elder Richard G. Scott

  10. Elder Robert D. Hales

  11. Elder Jeffrey R. Holland

  12. Elder David A. Bednar

  13. Elder Quentin L. Cook

  14. Elder D. Todd Christofferson

  15. Elder Neil L. Andersen

  1. A o talavou sa fiafia o ia e taalo venipolo, o se suiga laitiiti o le faiga o le volipolo.

  2. O le taitai lenei e tutusa o la igoa ma lona tamā ma e valaau o ia e lona aiga ma uo vavalalata ia Hal.

  3. A o avea le Aposetolo lenei ma se tiakono, sa ave ai o ia e lona tamā, o se tagata tusiata, i le Togavao Paia. Ina ua la foi mai i le fale, sa valiina ai e lona tama se ata o le Togavao Paia mo ia. Mai lava i lena taimi, na tautau ai e lenei Aposetolo lena ata vali i totonu o lona ofisa o se faamanatu o lena asiasiga faapitoa.

  4. Ina ua lima ona tausaga, sa siitia atu ai lona aiga i se faatoaga lafu povi i Pocatello, Idaho, ISA, lea sa ia tausia ai ni lapiti, tietie i solofanua, ma taaalo ma nai ona tei i le fanua.

  5. E na o ia lava le tagata o le Au Peresitene Sili po o le Korama a Aposetolo e Toasefululua na fanau i fafo atu o le Iunaite Setete.

  6. A o aoga i le aoga maualuga, sa avea ai o ia ma peresitene o le vasega faauu ma auai i talanoaga faafinauga.

  7. O se tagata taalo afeleti naunautai mai lava i lona talavou, sa maua ona faailoga e tusi ai mataitusi o lana aoga i le taaloga lakapi faaAmerika, pasiketipolo, taufetuliga, ma le pesipolo i lana aoga maualuga ma sa avea ma se tasi o le au lakapi ma le au pasiketipolo na siamupini i tauvaga a setete.

  8. Na toeitiiti o po uma la te taaalo ai ma lona atalii laitiiti i le mu. Fai mai lona atalii, “E tolu la temu e taaalo ai i le mu. Na te faamaloina a’u i le temu e tasi, ona malo lea o ia i le isi temu, ona ma taaalo lea i le mu foai, ma o soo se tasi lava o maua e malo i le temu lena.”

  9. Sa ia tautuaina lona atunuu o se pailate i le Taua Lona II o le Lalolagi i le faatoa 20 ma ona tupu o ona tausaga.

  10. Ina ia maua se tupe e alu ai i le kolisi, sa faigaluega ai o ia i se vaa faisua. Sa ula isi tamaloloa faifaiva ia te ia ona o lona musu e inu ava malosi seia oo ina pau se alii i lalo o le sami; o lenei Aposetolo, ona o lana tautinoga na te le tagofia le ava malosi, sa le’i onā, ma sa auina atu ai o ia e laveai mai le alii sa pau i le sami.

  11. A o avea ma se tagata aoga i le kolisi, sa faigaluega o ia o se tagata faasalalau i le leitio.

  12. A o lei valaauina o ia i le Korama a Aposetolo e Toasefululua, sa avea o ia ma peresitene o le Kolisi a Ricks ma sa fesoasoani i le aoga i le suiga mai i le Iunivesite o Polika Iaga–Idaho.

  13. Sa ia faia le taotoga o le fatu o Peresitene Spencer W. Kimball (1895–1985) ma o se taimi e le’i leva mulimuli ane, na avea ai Peresitene Kimball ma Peresitene o le Ekalesia.

  14. Sa avea Elder Scott ma peresitene o le misiona a lenei Aposetolo i Atenitina.

  15. A o le’i valaauina o ia o se Pulega Aoao, sa faigaluega o ia, e pei foi o lona tamā, i se pisinisi faatau taavale.