Na talanoa mai a’u uo lē lolotu e uiga i mea e fai i totonu o le malumalu.Pe faapefea ona latou e uiga i na mea, ma o le a se mea e tatau ona fai atu e uiga i ai?

O le mea muamua lava, aua nei avea fesili a au uo ma faalavelave ia te oe. O faatusa ma sauniga o le malumalu ua leva ona oo atu i tulaga lautele i ala eseese i le aluga o tausaga, e mafua lava ona o tagata na tuua le Ekalesia. Ae le faapea ai la ona ua iloa e tagata i fafo atu o le Ekalesia nei mea, ua tuuitiitia ai le paia. O le mea e taua o le faaauau pea lea ona tatou taofimau i le paia ma faaali atu ai lo tatou tautino atu i le Alii.

Lona lua, afai e fesili atu tagata ia te oe e uiga i sauniga o le malumalu, e mafai ona e fai sa’o i ai e le tele sou malamalama i ai ona e te lei oo i ai. Peitai, ina ia faamanino ni mea e le manino, e mafai ona e faamatala atu tatou te o i le malumalu e osia feagaiga ma le Tama Faalelagi ma e “fesoasoani tatou te tepa taulai atu ai i le Faaola, Lana vaega i le fuafuaga a lo tatou Tama Faalelagi, ma la tatou tautinoga e mulimuli ia te Ia” (Faamaoni i le Faatuatua [2004], 105). O faatusa ma sauniga o le malumalu e paia ma e le tatau ona talanoaina faalauaitele, e le mafai foi ona malamalama lelei pe faatauaina i fafo atu o tulaga o le malumalu.

Ina ia aoao atili, e mafai ona e faitau i punaoa nei, lea o loo maua uma i nisi gagana i le LDS.org:

• O le tamaitusi Saunia e Ulufale Atu i le Malumalu Paia (2004).

• O le ulufale atu i “Malumalu” i le Faamaoni i le Faatuatua, itulau e 105–109.