Linain nga Saksi

Unsaon nako nga magpabiling luwas [safe] gikan sa dautang mga butang sa kalibutan?

Gikan sa “Unsaon sa Pagpuyo nga Minaayo taliwala sa Nagkagrabe nga Pagkadautan,” Liahona, Mayo 2004, 100–102.

Si Elder Richard G. Scott sa Korum sa Napulog Duha ka mga Apostoles mipakigbahin sa pipila sa iyang mga hunahuna niini nga hilisgutan.

Bisan tuod ang kinabuhi mora og lisud karon, pangupot sa gunitanan nga puthaw sa kamatuoran. Kamo mas nakahimo og kalamboan kaysa inyong nahunahunaan.

Makapuyo kamo og mahiyason, malamboon, ug matarung nga kinabuhi pinaagi sa pagsunod sa plano sa pagprotekta nga gihimo sa inyong Amahan sa Langit: Iyang plano sa kalipay.

Samtang kamo nagpadayon sa pagpunting sa inyong hunahuna ug kasingkasing ngadto sa Ginoo, Siya motabang kaninyo nga makaangkon og mabungahon ug puno nga kinabuhi bisan unsa pa ang mahitabo sa kalibutan nga nagpalibut kaninyo.

Ang Langitnong Amahan miandam sa mga kasulatan ug naghatag og padayon nga balaanong paggiya aron sa atong paglahutay. Kana nga tabang makasigurado nga kamo makapuyo uban sa kalinaw ug kalipay diha sa nagkagrabe nga kadautan.

Pagtinguha ug pagmabinantayon sa personal nga giya nga ihatag kaninyo pinaagi sa Espiritu Santo.

Paghulagway pinaagi ni Bryan Beach