Mga Minugbo nga Balita sa Kalibutan

Ang Simbahan Modawat og mga Salmot sa Ikasiyam nga Internasyonal nga Kompetisyon sa Art

Ang Church History Museum mohimo og mga porma sa alang sa pagrehistro sa Ikasiyam nga Internasyonal nga Kompetisyon sa Art sa Simbahan nga maanaa online karong Abril 4, 2011. Ang mga salmot sa kompetisyon kinahanglan gayud nga isumiter online o tatakan sa koreyo sa dili pa ang Oktubre 7, 2011. Ang tema sa umaabut nga kompetisyon mao ang “Himoa nga Mahibaloan ang Iyang Kahibulongan nga mga Buhat” (D&P 65:4). Alang sa dugang nga impormasyon sa English o sa pagtan-aw sa gipili nga art gikan sa nanglabay nga mga kompetisyon, bisitaha ang lds.org/churchhistory/museum/competition.

Ang Mga Istorya sa Bag-ong Tugon Anaa na Karon sa Video

Agi og suporta sa 2011 nga kurikulom sa Bag-ong Tugon, mga video nga gikan sa libro nga Mga Istorya sa Bag-ong Tugon gi-animate na karon gamit ang paagi nga gitawag og parallax. Ang 65 ka mga video anaa na sa English ug ingon man mga rekord sa audio MP3 alang sa matag video sa 11 ka mga pinulongan diha sa LDS.org. Ang parallax nga mga video maanaa sa matag pinulongan sa 2011. Pangitaa ang mga video diha sa scripturestories.lds.org ug pilia ang New Testament Stories.

Mga Batan-ong Lalaki sa Bangalore Mipasalig sa Katungdanan ngadto sa Dios

Labaw sa 30 ka batan-ong mga lalaki nga gikan sa Bangalore India District nagpundok sa kabungturan sa Kanakapura aron sa pagkat-on mahitungod sa bag-ong programa sa Katungdanan ngadto sa Dios ug nagkat-on og espirituhanong mga leksyon gikan sa mahagitong pisikal nga mga kalihokan. Ang batan-ong mga lalaki migamit og pisi ug pulley sa paglabang sa lim-aw. Sila nag-jogging sa buntag, nagkatkat og bukid, ug nagkat-on sa pagrappel. Ang kalihokan gitapos uban sa miting sa pagpamatuod.

Tan-aw ug paminaw sa walay paglubad nga mga istorya sa Bag-ong Tugon nga gihatagan og kinabuhi diha sa maanindot nga kolor ug pagsaysay sa scripturestories.lds.org.