Uiraa e pahonoraa no ni‘a i te hiero

No te aha ta tatou mau hiero ?

E mau vahi mo‘a te mau hiero no Te Ekalesia a Iesu Mesia i te Feia Mo‘a i te Mau Mahana Hopea Nei i reira tatou e haapii ai i te mau parau mau mure ore e i reira atoa tatou e farii ai i te tahi mau oro‘a mo‘a.

Eaha te huru i roto i te hiero ?

E vahi hau e te faatura e te nehenehe te hiero. Te mau mea atoa i roto i te hiero, e mea mâ e te atuatu. E ahu uouo to te mau taata atoa e e paraparau mărû noa ratou.

Eaha te tupu nei i roto i te mau hiero Momoni ?

Te taatihia nei te vahine i ta’na tane, e te taatihia nei te mau tamarii i to ratou na metua. Na te taatiraa e faati‘a i te mau utuafare ia vai hoê e a muri noa’tu. I roto i te hiero, e farii atoa te mau tane e te mau tuahine i te hoê horo‘a no te mau haamaitairaa pae varua te piihia nei te oro‘a hiero. E nehenehe atoa ta ratou e farii i te oro‘a hiero e e taatihia no ratou i pohe e i ore i farii i te mau fafauraa o te hiero.

Eaha atu â te tupu nei i roto i te mau hiero ?

Tapiri i te taatiraa e te oro‘a hiero, te ravehia nei te tahi faahou â oro‘a i roto i te mau hiero. E nehenehe i te mau taata ia bapetizohia e ia haamauhia no te feia tei ore i tomo i roto i te Ekalesia a ora ai ratou. Ia ti‘a to outou 12 matahiti e ia vai ti‘amâ outou no te tomo i roto i te hiero, e nehenehe outou e faati‘ahia ia bapetizo e ia haamau no ratou tei pohe e tei ere i te evanelia.

Eaha atura ïa no to’u utuafare tei ore i tomo i roto i te hiero ?

Ua ite te Metua i te Ao ra e ua here ho‘i ia outou e to outou utuafare. Ua hinaaro Oia i te mau taata atoa ia farii i te mau haamaitairaa hiero. A ora ma te parau ti‘a no te tomo i roto i te hiero A tuu i te opuaraa i teie nei, e farii outou i te oro‘a hiero e e faaipoipo ho‘i i roto i te hiero i te hoê mahana. E haamaitai mai te Metua i te Ao ra ia outou e to outou utuafare.

Faahoho‘araa na Brad Teare