E ui atu i te Fatu

Eduardo Oliveira, Ceará, Brazil

I to’u 15 matahiti, ua here au i te hoê tamahine i roto i ta’u piha haapiiraa e ua hinaaro roa vau e arapae ia’na. Ua nehenehe mau oia, e teie noa râ, te feruri noa ra vau e ti‘a anei ia ani ia’na na mua to’u 16 matahiti. Ua haamana‘o atura vau ia Alama 37:37, te parau nei, « E ui atu i te Fatu i te mau mea atoa ta oe e rave ra, e na’na hoi oe e arata‘i i te maitai ». No reira, tera ta’u i rave. Ua pure au e ua tia‘i e rave rahi mahana i te pahonoraa a te Fatu na mua i te rave i te hoê faaotiraa.

I te hoê mahana i te pureraa, ua ani mai to’u episekopo ia’u i roto i te hoê piha e ua ani mai ia paraparau vau i te Sabati e haere mai nei. Ua ite outou eaha te tumu parau ? Eiaha e arapae na mua a‘e i te 16 matahiti. Ua mana‘o vau te reira te pahonoraa a te Fatu ia’u nei, oia ho‘i, aita te pahonoraa. Nahea pai ïa vau e haapii atu i te hoê mea aita vau i rave ?

No to’u uiraa i te Fatu, ua nehenehe atura ia’u ia haapii i te hinaaro o te Fatu no to’u oraraa e no te ma‘ue ê atoa’tu i te faahemaraa. Ua ite au e, ia ui tatou i te Fatu, e parau mai Oia ia tatou i To’na hinaaro e e haamaitai-rahi-hia tatou.