Te mau mana‘o no te pureraa pô utuafare

I roto i teie ve‘a te vai nei te mau parau papa‘i e te mau ohiparaa o te nehenehe e faaohipahia no te pureraa pô utuafare. Teie i muri nei te tahi mau hi‘oraa.

« Te misioni e te ohipa a Iesu Mesia », api 18 : Te faaite nei o Elder Russell M. Nelson e pae huru ohipa i roto i te oraraa o Iesu Mesia ta tatou e nehenehe e pee. A feruri na ia tauaparau i teie na huru ohipa na reira atoa te rave‘a no te faaohipa i te reira i roto i to outou oraraa. E hinaaro paha outou i te tai‘o roa i te tahi aamu no te oraraa o te Faaora e aore râ e mata‘ita‘i roa i te hoê hoho‘a video (biblevideos.lds.org) e faaite nei i teie na huru ohipa. Ia oti, e mea au ia faaite atu i to outou iteraa papû no To’na ora e Ta’na ohipa e himene atoa i te himene « E te Fatu Here » (Te mau himene, no. 65).

« Eaha te hoa mau ? » api 52 : E haamata paha outou ma te ani e, eaha te hoa mau ? Tai‘o i te tatararaa a Elder Robert D. Hales e paraparau i te huru hoa e ti‘a ia tatou ia vai. A feruri na ia faati‘a’tu i te hoê ohipa i tupu e ua riro te tahi taata ei hoa mau no outou, ei reira, e paraparau atu ai i te mau ateributi e nehenehe e tauturu i te mau melo o te utuafare e riro mai ei hoa maitai a‘e no vetahi ê.

« Faahanahana i te mau hiero ! » api 62 : E to outou iho utuafare, a hi‘o i te mau hoho‘a e faaite ra i te mau rave‘a rau a te mau tamarii no te faahanahana i te hiero. A feruri na ia faaite i te hoho‘a o te hiero piri a‘e ia outou e ia paraparau no te aha te faufaa rahi o te mau hiero. A faahiti roa e, i roto ana‘e i te hiero te mau utuafare e taatihia ai. No te faaoti, e mea au ia himene outou i te himene « E ti‘a i to tatou utuafare ia amuï-tahi-hia e a muri noa’tu » (api 65).

Na roto i to outou reo

Te vai nei te Liahona e te tahi atu â mau materia a te Ekalesia na roto i te mau reo e rave rahi i ni‘a i te www.languages.lds.org.